جے تُسیں کدے وی برطانوی یاں امریکی یونیورسٹی وچ داخلے لئی انگریزی دے غیر ملکی زبان دے طور تے ٹوفل یا آئی ای ایل ٹی ایس امتحان دیون لئی بیٹھو تے ایس طرحاں دی انگریزی لکھ کے کنے نمبر لے لوو گے؟
یاں فیر جے تُسیں کسے انگریزی وچار وٹاندرے وچ ایہو جہی بولی گے تے باقی لوک پیپر ویٹ یاں ساہمنے پیا گلاس مار کے تہاڈا سر پاڑن وچ کنا اک چر سوچن گے؟
Well, now a days I am facing too much masail that my zindgi become a takleef deh joke. But I have to samna it. There is no choice baqee hay.
میں تے تسیں جدوں غلط انگریزی بولن توں کنا ڈردے آں۔ کیویں اپنے تلفظ اتے گرامر نوں ٹھیک رکھن لئی محنت کردے آں کہ کدھرے ساڈے جہالت نہ ساہمنے آ جاوے یاں کدھرے کوئی ساڈے نال مخول نہ کرے وغیرہ وغیرہ
پر جدوں اسیں اُردو یاں اپنی ای ماں بولی بولدے آں تے اوس ویلے ساڈے اندر اوہ ڈر کیوں نہیں ہوندا جیہڑا انگریزی دا اک جملہ بولن لگیاں وی ساڈے دوالے سپ وانگوں کنڈل ماری رکھدا اے،
ایکچولی اج کل دی دنیا وچ کمپٹیشن اینا کٹ تھرو ہو گیا اے کہ ایوننٹ نوں لائٹلی نہیں لینا چاہیدا۔ جدوں تیکر ساڈیاں پروڈکٹ کمپیٹیٹو نہیں ہوون گیاں۔ اٹ از امپوسیبل ٹو سروائیو ان دس ماحول۔ مینوں میری مدر دی ایہہ گل چیتے آ رہی ہے کہ جدوں تیکر اسیں ٹروتھ فل نہیں ہوواں گے، ساڈے ورڈز نوں کوئی امپورٹینس نہیں دیوے گا!
تسیں ایس طرحاں کرو کہ لیفٹ ٹرن لے کے جدوں راؤنڈ اباؤٹ کروس کرو گے تے یو ول فائنڈ اے پان والا کھوکھا۔ دیٹ بندہ نوز میں ویل۔ اوہ تہانوں میرے ہاؤس ول گائیڈ کر دیوے گا۔ میرا گھر از ویری ایزی ٹو فائنڈ۔ تسیں مس ہی نہیں کر سکدے!
