گو گو مٹیار پیرس ہلٹن دا صدارتی امیدوار جان مکین نوں جواب
وچار ڈیسک
August 6th, 2008
پیرس ہلٹن امریکہ دی سب توں بہتی گو گو مٹیار ہے۔ اوہ ہلٹن ہوٹل والیاں دی اکلی وارث ہے۔ اوہ اپنیاں ادھ ننگیاں تصویراں کھچوان تے شراب پی کے کار چلاون لئی بدنام ہے۔ اوہ کج دن جیل وی کٹ کے آئی ہے۔
کجھ دن پہلاں جان مکین ہوراں اپنے صدارتی امیدوار باراک اوبامہ نوں بدنام کرن لئی اک اشتہار جاری کیتا جیس وچ اوہناں کہیا جو اوبامہ وی پیرس ہلٹن ورگی مشہور شخصیت ہے، جیہڑے مشہور تے بہت ہین پر اوہناں کول پروگرام کوئی نہیں۔
پیرس ہلٹن دی ماں جان مکین دیاں چندہ دین والیاں وچ بڑی سر کڈھویں ہے تے اوس نے ایس اشتہار تے بڑا بُرا منایا۔ ہُن پیرس ہلٹن نے جان مکین دے خلاف اک اشتہار ویب سائٹ تے لایا ہے جیس وچ جان مکین دا بڑا ہی مخول بنایا گیا ہے۔ اوہناں گئے گذرے زمانے دا بڈھا کہیا گیا ہے۔
