جرمنی اپنی پولیس وچ بھرتی ہزاراں زنانی سپاہیاں لئی بلٹ پروف انگیاں بنوا رہیا ہے۔ چٹی کاٹن دیاں جیکٹاں جیہناں پچھے لفظ 'پولیزی' (پولیس) لکھیا ہویا ہے اوہناں دے وچ ایہہ انگیاں اوہناں زنانی پولیس والیاں نوں چنگیاں نیں جیہڑیاں بلٹ پروف جیکٹاں پاؤندیاں نیں۔
پولیس دے اک بلارے دا آکھنا ہے کہ عام انگیاں دے ہیٹھاں لوہے دیاں پلیٹاں پاؤن وچ کجھ خطرے ہوندے نیں۔ جے بلٹ پروف جیکٹ تے گولی لگے تے ایہدا اثر انگیاں دے وچ پائیاں لوہے دیاں پلیٹاں تے وی ہو سکدا اے جیہدے نال چھاتی پھٹڑ ہو سکدی اے۔
بلارے نے دسیا ہے کہ جرمنی دی فیڈرل پولیس وچ نوکری کردیاں تن ہزار دے نیڑے زنانیاں لئی نویاں بلٹ پروف انگیاں بنائیاں گئیاں نیں جیہناں وچ لوہے دیاں پلیٹاں نہیں ہوون گیان تے ایہہ زنانی کھڈاریاں دیاں انگیاں ورگیاں ای جاپن گیاں۔
