تامل ناڈو وچ اک ویاہ وچ اودوں کم خراب ہو گیا جدوں 40 دے نیڑے جوڑے مندر وچ اکٹھے ویاہ کر رہے سن تے اچن چیتی بجلی بند ہو گئی۔ دو لاڑیاں دا نشانہ غلط ہو گیا تے ہنیرے وچ منگل سوتر اوہناں نے اک دوجے دی ووہٹی دے گل وچ پا دتا۔
بجلی آؤن تے اوسے ویلے ایس غلطی دا پتہ لگ گیا تے وڈیاں نے معاملہ سانبھ لیا۔ اوہناں نے ووہٹیاں دے گلاں وچوں منگل سوتر لاہ لئے تے "پریکرا" (غلطی سدھار لئی کیتی جاون والی پوجا) مگروں اصلی ووہٹیاں دے گلاں وچ منگل سوتر پوا دتے۔
