آزادی دے مگروں اک پاسے جتھے ہندوستان تے پاکستان وچ اردو نظم وچ فارم تے قسم دے اتبار نال بوہت تجربے ہوئے نیں ' موضوع دے حساب نال بدلی آئی ہے تے نظم ودھی ہے اوتھے ہی انسانی تے تہذیبی قدراں دے زوال نے نظم تے وی اثر پایا ہے تے ایہہ آکھنا غلط نہیں ہووے گا جو پاکستان ہندوستان وچ چنگیاں نظماں گھٹ کہیاں جارہیاں نیں۔ اُچیچا ہندوستان وچ حالت بوہتی بھیڑی ہے۔
سیمینار وچ ایہدے تے ہرکھ وکھالا کیتا گیا جو ہندوستان تے پاکستان وچ اردو دے پڑھن والے گھٹ دے جارہے نیں تے اردو ادیب اپنے پیسے نال کتاباں چھاپ کے مفت ونڈھن تے مجبور نیں۔دوہواں دناں دے سیمینار وچ گھٹوگھٹ دو درجن مقالے پڑھے گئے تے نظم دی صنف تے بوہت گوہ کیتی گئی۔
