ایس سوال دے جواب لئی سبھ پنجابی آپنے گھر اتے آل دوالے ہی دیکھ لین اوہناں نوں اک اکھر وی گورمُکھی وچ نہیں دسے گا۔ کیوں صرف پنجابی جان دے لوک اج پنجابی صوبے وچ ان پڑھ ہین؟ بھارت پاکستان دی ونڈ ویلے کُل پنجاب دا ٣٢ فیصدی علا قہ بھارت نوں ملیا سی، اوس دے وی ٤ ٹوٹے کرکے بنیا پنجابی صُوبہ۔ اج اوسے پنجابی صوبے وچ کسے پاسے وی پنجابی نہیں دِسدی۔ اج پنجابیاں دے سدّا پتّر، گھراں باہر لگے ناں، سڑکاں اُتے لگے سرکاری اتے غیر سرکاری بورڈ، سرکاری اتے نِجی بساں، پولیس دیاں گڈیاں اتے بورڈ، قرضے ہیٹھ دبے عام کسان دے ورتن والیاں مہنگیاں کھاداں، زہریلیاں دوائیاں، بیجاں، مشینری اتے گھریلو وستاں دی سانبھ سنبھال والیاں کاپیاں، پیٹرول پمپاں اتے ہور جو وی اوہ خریددا ہے، کسے پاسے پنجابی نہیں دِسدی۔ گورمُکھی تاں ہُن پنجابی دے ٹی وی چینلاں اتے پنجابی دیاں کیسٹاں اُتے وی گھٹ ہی دِسدی ہے۔ پنجابی اج دیکھو دیکھی مہان گورواں دی دین گورمُکھی توں مُنہ موڑی جا رہے ہین۔ خورے ایہدے پِچھے ساڈی غُلام سوچ دا بوہت وڈا ہتھ ہے۔ دُنیا اج پنجابیاں دا لوہا مندی ہے اتے پنجابی ہر خطے وچ اگے ہون دے باوجود آپنی ماں بولی نوں پِچھے چھڈی جا رہے ہین۔ بدلدے یُگ وچ پنجابی ہون دے ناں تے جیکر کُجھ بچیا ہے تاں اوہ ہے ساڈی ماں بولی۔ جے ایہہ وی اسیں بھُل گئے تاں فیر اسیں کیویں پنجابی اکھواواں گے۔ سارے جگ وچ ٧ کروڑ توں وی ودھ لوک پنجابی بولدے ہین، جس نال ایہہ زبان ٧ ہزار توں وی ودھ زباناں چوں ١١ویں نمبر تے ہے اتے ایس نال ہی جگ بھر وچ بیٹھے سبھ پنجابی وکھو وکھ مذہباں اتے ذاتاں دے باوجود صدیاں توں اک دُوجے نال جُڑے ہوئے ہین۔
زندگی وچ انگریزی نوں بھاویں جیون ساتھی والا درجہ دے دیو، پر ماں والا نہیں۔ سبھ پنجابی ماواں دے چرناں وچ بینتی ہے کہ اوہ آپنے بچیاں توں مہان پنجابی ہون دا حق نہ کھوہن۔ سبھ پنجابی دوجیاں زباناں دے برابر پنجابی لکھے ہون دی منگ کرن کیونکہ جو کُجھ وی اسیں خریددے ہاں اوہدی سبھ جانکاری پنجابی وچ لینی بندیائی قانون موجب ساڈا حق ہے۔ پنجابی ماں بولی دے جگ بھر وچ سفیر، ساڈے کلاکار اتے گائک ایس کم وچ سبھ توں ودھ مدد کر سکدے ہن۔ سبھ پنجابی آپنے گھر وچ اک پنجابی دی اخبار ضرور لگواؤن۔ سرکار نوں چاہیدا ہے کہ اوہ قانون راہیں ایہہ لازمی کرے کہ پنجابی صوبے وچ ستھان، سامان، کاغذ پتّراں اتے جتھے کِتے وی ہور زبان لکھی ہووے اوتھے گورمُکھی لکھی جاوے تاں جے صرف پنجابی جان دا بندہ پنجابی صوبے وچ ہی آپنے آپ نوں ان پڑھ نہ اکھواوے۔ پنجابی ٹی وی چینلاں نوں وی بینتی ہے کہ اوہ پنجابی دا اُچارن صحیح کرن اتے انگریزی نال گورمُکھی دی وی ورتوں کرن۔ گُراں دی بولی نوں پہل دیو نہ کہ لوکاں نوں لُٹن اتے کُٹن والے انگریزاں دی بولی نوں۔ مذہبی پرچارکاں نوں وی بینتی ہے کہ اوہ گُر سکھی اتے گُربانی دے نال نال لوکاں نوں گورمُکھی نال وی جوڑن۔ پنجابیو سنیکت راشٹر سنگھ نے وی خبردار کیتا ہے کہ جگ بھر وچ بولیاں جاندیاں ٧ ہزار توں وی ودھ بولیاں چوں ہر مہینے ٢ بولیاں مُکدیاں جا رہیاں ہین۔ سو پنجابیو اجے وی کُجھ نہیں وگڑیا، سماں رہندے ماں بولی پنجابی دا ستکار بحال کریئے۔ اک گل جو آپاں سبھ نے دھیان وچ رکھنی ہے اوہ ایہہ ہے کہ جیکر ماں بولی بھُل جاواں گے تاں ککھاں وانگو رُل جاواں گے اتے دُنیا دی بھیڑ وچ اک مہان قوم گواچ جاوے گی۔
