دیسی تے مادری زباناں لئی خطرہ

چترال وچ اک دن دے سیمینار وچ کہیا گیا ہے جو مقامی زباناں دے مکن دا وڈھا خطرہ ہے۔ ایہہ سیمینار اک مقامی ہوٹل وچ انجمن ترقئی خووار (خووار چترالی زبان) ولوں کیتا گیا۔ ایہہ تنظیم اک این جی او ہے۔

بولاریاں نے دسیا جو چترال وچ چوداں بولیاں بولیاں جاندیاں ہین۔ اوہناں کہیا اہناں زباناں باہردیاں زباناں کولوں، خاص طور تے انگریزی ولوں خطرہ ہے۔ ایس گل تے زور دتا گیا جو مقامی لوک اپنیاں زباناں دی سنبھال کرن کیوں جے ایہہ اوہناں دے پیو دادیاں دی وراثت ہے۔

سیمینار وچ ڈاکٹر عایت اللہ نے اپنے وچار دسدیاں کہیا جو اک نیپالی بولی دے بولن والی اک اکلی عورت رہ گئی ہے تے ایہہ بولی اوسدے مرن تے مک جاوے گی۔ قلاش وادی دے عبدالمجید نے شیکھوار (نورستانی) زبان بارے گل بات کیتی۔

چترال پاکستان دا اکلا ضلع ہے جیس وچ چوداں بولیاں بولیاں جاندیاں ہین۔ اوہناں وچ خووار، نورستانی، شیکھوار، بھاشگرلیوار تے فارسی وی شامل ہین۔