Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> 21 فروری :پنجابی زبان، فن، ثقافت تے میڈیا

21 فروری :پنجابی زبان، فن، ثقافت تے میڈیا

سہیل وڑائچ
February 20th, 2015
5 / 5 (2 Votes)

پنجابی زبان نوں پڑھنا مشکل نہیں، جے ایہہ مشکل ہوندا تے فیر اسیں ہر پِنڈ دے وچ، ہر ڈیرے تے ہر جگہ تے ہیر وارث شاہ کس طرح پڑھ لیندے۔ 25، 30 سال پہلاں کوئی اوہو جیہا پِنڈ نہیں سی جتھے ہیر وارث شاہ پڑھن والا کوئی نہ ہووے۔ ہر محفل وچ ہیر وارث شاہ پڑھی جاندی سی تے لوکاں نوں اینی تعداد وچ یاد ہوندی سی کہ حیرانی ہوندی اے۔ ایہدا مطلب ایہہ وے کہ کدھرے ساڈے وچ کوئی کوتاہی آ گئی اے، دلچسپی وچ کمی آ گئی اے تے جے اسیں دلچسپی نوں قائم رکھیئے تے اپنی کوتاہی نوں پھڑ سکدے آں۔
زباناں دے phonetics دے حوالے نال دنیا بھر وچ تبدیلیاں کیتیاں جاندیاں نیں تے ہر پندرھاں ویہہ سال بعد phonetics دے حوالے نال تبدیلیاں آؤندیاں نیں۔ ڈِکشنریاں وچ نویں لفظاں دا وادھا ہوندا اے۔ اوہناں نوں کس طرح بیان کرنا اے، اوہدے طریقے بیان کیتے جاندے نیں۔ سانوں وی چاہیدا اے کہ ایہدے اُتے کوئی بورڈ بٹھایا جائے، سکالرز ایہدے تے فیصلہ کرن تاں جے زبان وچ جے کوئی complications پیدا ہو گئیاں نیں تے اوہناں نوں دور کیتا جاوے۔ اج کل دے دور وچ جے الیکٹرانک میڈیا نوں استعمال کیتا جاوے تے ہمت کر کے پِلاک یا سیفما اِک پنجابی ٹی وی چلان تے اوہدا معیار اوہی ہووے جیویں دا سندھی ٹی وی ’کاوش‘ دا اے، جس طرح ’خیبر‘ دا اے تے امید اے کہ اوہدی کامیابی دے بہت امکانات ہوون گے تے اوہناں نوں اشتہارات وی مِلن گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels