Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> زبان دی سیاست >> 21 فروری : پنجابی زبان، فن، ثقافت تے میڈیا

21 فروری : پنجابی زبان، فن، ثقافت تے میڈیا

امتیاز عالم
February 20th, 2015

بلّھے شاہؒ نے آکھیا اے کہ ’بلّھا کیہ جاناں میں کون‘، پنجاب دے جیہڑے وڈے سوجھوان، نظریہ دان نیں اوہ ایس کافی دا مطلب سمجھدے نیں۔ ایہدا مطلب اے وے کہ ’اپنے آپ توں وچھوڑا‘۔ دھاڑویاں نے پنجاب نوں بہت واری تباہ کیتا تے ایہناں نے ساڈی دھرتی، رہتل تے وسیب دی شکل بدل دِتی۔ ایہدے وچ دو گلاں آؤندیاں نیں، ہک ایہہ کہ تسیں اکنامک پاور نوں ضبط کر لیندے او تے دوجا پکھ اے ثقافتی حملہ۔ مطلب ایہہ کہ کلچرل تے human personality مُکا چھڈو۔
پاکستان بنن دے وچ وی 1940ء دی جیہڑی قرارداد اے اوہ مسلمان اکثریت دے حوالے نال اے۔ پارٹیشن دے حوالے نال برصغیر دی لیڈر شپ، بھاویں گاندھی ہووے تے بھاویں جناح ہووے، اوہناں نوں پارٹیشن دی ایس طرح دی ونڈ دا کوئی وِچار نہیں۔
اسیں ایہہ جیہڑا لینگوئج دا دیہاڑ مناندے آں کیویں شروع ہویا۔ جناح نے اِک تقریر وچ آکھیا کہ پاکستان دی زبان اردو اے۔ اوس تقریر توں پہلے اقبال اکیڈمی ڈھاکہ دے وچ کیہ ہویا کہ راتوں رات اقبال اکیڈمی ختم ہویاں تے لینگوئج موومنٹ شروع ہوئی۔ دنیا دے وچ لینگوئج موومنٹ دا دن بنگالیاں منایا سی تے اساں بنگلہ دیش دے خلاف آں، سندھیاں دے خلاف آں، پختون دے خلاف آں۔ مسلم یونٹ آف ویو دے حوالے نال ہسٹری محمد بن قاسم توں شروع ہوندی اے مطلب ایہہ وے کہ ہن توں پہلے نہ پنجابی، نہ سندھی، نہ بلوچ، نہ پٹھان تے نہ پنجابی رِیت تے نہ رہتل۔ پاکستان جدوں بن گیا تے مسئلہ ایہہ سی کہ ریاست، قوم کیویں build کیتی جاوے۔ multi-ethic، multi-cultural بنیاداں تے کیتی جاوے یاں اسلام دے ناں تے کیتی جاوے۔ پاکستان بنن توں بعد idealogically اسلام نوں اک tool دے طور تے استعمال کیتا گیا کہ تمام مسلمان آپس وچ بھائی بھائی تے بلوچی کیہ، سندھی کیہ، پنجابی کیہ تے بنگالی کیہ۔ ایس لئی اسیں دیکھدے آں کہ پنجابی چھڈو تے پاکستانی اکھواؤ۔ ساڈی بلھے شاہؒ دی جیہڑی روایت اے، وارث شاہؒ دی، خواجہ فریدؒ دی، اوہ ڈوہنگی روایت اے۔ ’بلھا کیہ جاناں میں کون، نہ میں موسیٰ نہ فرعون‘۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels