اج دے اک وڈے اُردو دے اخبار وچ جمیل الدین عالی نےایس دُکھ دا وکھالا کیتا اے پئ نویں وزیر اعظم سیّد یوسف رضا گیلانی نے صدر توں اُردو وچ حلف کیوں نہیں چُکیا جیہڑی پاکستان دی قومی بولی اے تے اوہناں انگریزی وچ کیوں حلف چکیا اےاوہناں ایس گل اُتے وی منکھ کیتا پئ 1973 دے دستور وچ اُردو نوں قومی بولی متھیا گیا اے تے ایہ پئ پاکستان دی سرکاری بولی اُردو ہووے گئیاوہناں ایہہ وی لکھیا اے پئ فروری 1948وچ قائد اعظم نے ڈھاکہ تے چٹاگانگ وچ جیہڑیاں تقریراں کیتاں اوہناں وچ وی اُردو نوں قومی تے سرکاری بولی منیا گیا سی تے کدے کسے وزیر اعظم نے تے کسے سربراہ نے ایس دی برخلاف گل نہیں کیتیایہہ وکھری گل اے پئ بھٹو پنجابی لاگو کرن لئ تیار سی پر اوس ویلے دے پنجاب دے وڈے وزیر معراج خالد ای تیار نہ ہوئے تے نس گئے
پر میرا خیال سی پئ اصل گل ایہہ نہیں پئ وزیر اعظم نے انگریزی وچ حلف کیوں چکیا اصل گل تاں ایہہ وے پئ عالی صاحب دی اپنی سندھ اسمبلی وچ ایم کیو ایم نے اُردو وچ حلف لیا تے سندھیاں سندھی وچلیا تے اے این پی دے دو ممبراں انگریزی وچلیااے این پی دے ممبر پشتو وچ حلف لیناں چاہندے ہوون گے تے پشتو دی سہولت نہ ہوون پاروں اوہناں انگریزی دے وچ حلف لیا پر اُردو وچ نہیں لیا
ایس توں پہلاں سرحد اسمبلی وچ وساہ دا ووٹ لین مگروں اک اپریل نوں نویں وڈے وزیر امیر حیدر حان ہوتی نے سرحد اسمبلی وچ جہیڑی تقریر کیتی اوہ پشتو وچ سی جس وچ اوہناں آپنی سرکار دیاں پولیساں دسیاں سن
اج ایتوارچھ مارچ 2008 نوں جدنویں چنےسپیکر سندھ اسمبلی توں میڈیا سندھی وچ سوال کر رہیا سی تاں نثار کھوڑو سندھی وچ جواب دے رہے سنسگوں اک سوال دا جواب اوہناں انگریزی وچ وی دتا تے کئ سوالاں دے جواب اُردو وچ وی دتےنثار کھوڑو دی گل بات اوہ ماڈل اے جو سارا پاکستان چاہندا اےساڈا کسی بولی نال جھیڑا نہیں پر ساڈا جھیڑا اوہدں مُکے گا جد سانوں ساڈی بولی ورتن دی کُھَل دتی جاوے گئی
سوال ایہہ وے پئ جے ساریاں اسمبلیاں دے وڈے وزیر آپنیاں آپنیاں بولیاں وچ حلف چُکن تے آپنی بولی وچ پولسی بیان دین تے پنجاب دا وڈا وزیر کیہڑی بولی وچ گل کرے گا؟ پر ایہہ ہوون جا رہیا اے تے اِنج لگدا اے ایتکی نکے صوبے آپنی بولی دی گل وی کرن گے تے رہتل دی وی
اصلوں سچ ایہہ وے پئ اسیں اجے تیک آپنی بولی پولسی نہیں بنائی ایس لئ جد وی جمہوری سرکار آندی اے تے لوک بولیاں دی گل وی چھڑ جاندی اےقائد اعظم نوں تاں بنگالیاں اوسے وےلے جواب دے دتا سی تے آپنی بولی چھڈن توں نہ کر دتی سی پر ایہہ بنگالی بولی دے حق دیگل نہ منن ای سی جس مڑ اکٹھے پاکستان دے تابوت وچ پہلی کِل ٹوکی سی تے مڑ پچھے جیہے جامہ ملیہ دہلی دے وائس چانسلر نے ایہہ آکھیا پئ اردو نے ہندوستان نوں ونڈ دتاپتہ نہیں ایہہ اُلاہما اے یاں سلاہنا
جد وی پاکستان اندر جمہوریت نے پیر پکے کیتے لوک بولیاں دی گل وی ہونی اے تے لوک بولیاں نے آپنیاں تھاواں وی سانبھنیاں نیںپاکستانی اسٹیپلشمنٹ جنی چھیتی ایس گل نوں من جان چنگا اےرہی پنجاب دی گل تاں اصل یدھ ہونا ای پنجاب اندر اے تے اوبھڑ بولی وی بوہتی پنجابیاں دے اندر وڑی ہوئی اےپر اسیں پنجاب دے نویں وڈے وزیر شہباز شریف توں ایہہ منگ کردے آں پئ پنجاب اسمبلی اندر پنجابی بولن دے ہٹک نوں چُکن تے پنجاب نوں ڈیرھ سو سالاں توں کُسیا بولی دا حق پرتا دینایہہ وی پنجاب دے لوکاں دا جمہوری ُ انسانی تے تعلیمی حق اے
