پنجابی بولی لئی بنیا سازگار ماحول اک تاریخی کامیابی

پنجابی بولی لئی ٢٥ مارچ، ٢٠٠٨ دا دن اہم ہی نہیں، بھاگاں تے شگناں والا ثابت ہویا ہے جدوں پنجاب اسمبلی وچ اکثریت نال پنجابی بارے دو متے پاس کیتے گئے ہن۔ پہلا متہ پنجاب دے سارے سکولاں وچ بھاویں اوہ کسے وی بورڈ وچ ہون وچ پہلی توں دسویں تک پنجابی نوں لازمی مضمون دے طور پڑھائے جان نوں قانونی طور تے لازمی بناؤن بارے ہے اتے دوجا پنجابی نوں راج بولی دا درجہ دیندے ہوئے، دفتری کم کاج پنجابی وچ کرن نوں لازمی بناؤن بارے ہے۔ اس وچ پنجابی وچ کم کاج نہ کرن والے افسراں تے کارندیاں لئی سزا دین دیسفارش دی وی منگ کیتی گئی۔ سابق وزیر اعلیٰ لچھمن سنگھ گل نے پنجابی نوں راج بولی دا درجہ تاں دوا دتا سی پر پنجابی وچ کم نہ کرن والیاں لئی سزا دی سفارش نہیں کیتی گئی سی۔ ایہناں دوہاں متیاں نوں درڑھتا تے چنگے سبھاء نال اسمبلی وچ پیش کرن لئی وزیر تعلیم محترمہ اپندرجیت کور خاص طور تے ودھائی دے حقدار ہن جنہاں نے وزیر اعلیٰ سردار پرکاش سنگھ بادل دی مدد نال اس قدم راہیں تاریخ وچ آپنا ناں سنہری اکھراں وچ لکھوا لیا ہے۔ اج سردار لچھمن سنگھ گل دی سرکار نوں جے یاد کیتا جاندا ہے تاں اوہ اُکا پنجابی نوں راج بولی دا درجہ دین کارن۔ اس لئی تاریخی طور تے اپندرجیت کور تے پرکاش سنگھ بادل ہمیشہ لئی یاد کیتے جان گے۔

٢٥ مارچ، ٢٠٠٨ دا دن پنجابی اتے پنجاب لئی اک ہور پکھ توں وی اہم ہے کہ پنجاب اسمبلی وچ اکواری دوویں بل اکثریت نال پورن طور تے اک سرتا نال پاس کیتے گئے ہن۔ ایہناں نوں پاس کرن ویلے کانگرس تے بھاجپا وی پوری ایمان داری نال اس کار وچ حصے دار سی۔ پنجاب دی تاریخ گواہ ہے کہ پنجابی بارے ہمیشہ ہی کانگرس نے دوغلی پالیسی اپنائی سی جس وچ اک پاسے پنجابی دی مخالفت کیتی جاندی سی اتے دوجے پاسے اس نوں ودھیا مقام دین دا وعدہ وی کیتا جاندا سی۔ پر اس موقعے تے کانگرس نے صاف ہو کے متے دی تائید کیتی ہے۔ اس ویلے اہم تے اطمینان والی حالت ایہہ ہے کہ بھاجپا ولوں پنجابی نوں پورن طور تے ودھیا مقام دتا گیا ہے جدوں کہ تاریخی عمل وچ بھاجپا جس دا پہلا روپ جن سنگھ سی، نے آپنے آپ نوں ہمیشہ ہی پنجابی دی مخالفت وچ ہی کھڑا کیتا ہویا سی اتے اس جتن لئی ہر طرحاں دے سیاسی ہتھکنڈے وی اپنائے جاندے رہے ہن۔ پر اج دے ویلے وچ بدلے ہوئے حالات وچ بھاجپا دا کھل کے پنجابی نوں ودھیا مقام دینا، اک بھاگاں والا قدم ہی منیا جانا چاہیدا ہے۔ اس دی تائید بھاجپا دے صوبہ پردھان پروفیسر بھنڈاری نے جنہاں صاف لفظاں وچ کیتا ہے، اوس دی سلاہنا کرنی بندی ہے۔

پنجابی بولی نوں ہن تک فرقو نظریئے توں ہی دیکھیا جاندا رہیا ہے اتے پنجاب وچ ہندی ہندواں دی بولی، اردو مسلماناں دی اتے پنجابی نوں سکھاں دی بولی ہی گردانیا جاندا رہیا ہے اتے دوجے فرقیاں ولوں پنجابی دی مخالفت وی کیتی جاندی رہی ہے۔ پر اجوکے حالت وچ پنجابی نوں جتھے سرکاری طور تے عملی روپ وچ راج بولی دا درجہ حاصل ہویا ہے، اوتھے سبھ توں وڈا اہم موقع اس کر کے ہے کہ پہلی واری سارے پنجابی بھائیچارے نے دھرم، سیاست تے ذات توں اُپر اٹھ کے پنجابی نوں دل نال پروان کیتا ہے اتے صحیح معنیاں وچ پنجابی پنجابیاں دے دلاں دی بولی بنی ہے، جس کارن ہن پنجابی دے روشن بھلک دی آس کیتی جا سکدی ہے۔

پنجابی نوں اج دی کامیابی لئی لمی جدوجہد وچوں گزرنا پیا ہے۔ پر پنجابی پیاریاں دی سدق دلی، ثابت قدمی اتے جدوجہد نوں وی داد دینی بندی ہے۔ پنجابی دی لڑائی نوں پہلے پدھر تے فرقو لیہاں تے چلایا جاندا رہیا ہے۔ پر ہولی ہولی اس دا غیر فرقو رُوپ اُگھڑ کے ساہمنے آؤنا شروع ہو گیا۔ جس کارن کجھ کامیابیاں ہونیاں شروع ہو گئیاں ہن پر اجے لڑائی مُکی نہیں، سگوں اس بارے ودھیرے فکرمند ہون دی لوڑ ہے، جس ہیٹھ راج بولی قانون دے اصول بناؤن اتے اس دے اثر نوں باریک بینی نال مسلسل طور تے پینی نظر ہیٹھ رکھنا ضروری ہے کیونجے اسمبلی وچ پنجابی مخالف وتیرے لئی جس افسرشاہی دا ڈر وکھالا وزیر تعلیم ڈاکٹر اپندرجیت کور نے کیتا ہے، اوہ ورگ لکویں وار راہیں اپ اصول بناؤن ویلے چور موریاں رکھ کے، قانونی شقاں نوں ناکام بناؤن دا جتن کرے گا۔ اس لئی سارے ورگاں نوں سچیت ہو کے اس پرتی سنجیدہ ہون دی لوڑ ہے تاں کہ ایہناں متیاں نوں قانون بناؤن سمیں پیتلا بناؤن توں روکیا جا سکے۔

پنجابی بولی دی اس جت لئی ساریاں لکھاری جتھیبندیاں وی ودھائی دیاں حقدار ہن جنہاں دے لمی جدوجہد نے اس کامیابی لئی زمین تیار کیتی ہے پر اجوکے حالاں وچ جت لئی آخری ہنبھلا مارن لئی پنجاب جاگرتی منچ، پنجابی بولی اکادمی اتے مشہور صحافی کلدیپ نایر خاص طور تے سلاہنا دے حقدار ہن۔ ماں بولی دیہاڑ دے موقعے تے پنجاب جاگرتی منچ اتے پنجابی بولی اکادمی نے جالندھر وچ اک اچیچا پروگرام کروایا جس وچ وکھ وکھ سیاسی پارٹیاں دے نمائیندے وی شامل ہوئے اتے اوہناں کولوں پنجابی بولی نوں پہلی توں دسویں تک مضمون دے طور تے پڑھائے جان لئی کامیابی حاصل کیتی اتے پنجابی بولی نوں دفتری کم کاج وچ لاگو کرن بارے وی وعدہ لیا۔ اس جتن وچ سبھ توں وڈی کامیابی شرومنی اکالی دل دے نمائیندے وزیر اعلیٰ دے صلاح کار ڈاکٹر دلجیت سنگھ چیمہ تے کانگرس پردھان راجندر کور بھٹھل کولوں پنجابی دی کامیابی لئی کھلا بھروسہ حاصل کرنا سی جس نوں بعد وچ بولی وزیر ڈاکٹر اپندرجیت کور نے حمایت دتی اتے وعدے مطابق اسمبلی وچ دوویں متے وی پیش کر دتے اتے ساریاں سیاسی پارٹیاں نے اسمبلی دے اندر تے باہر کھلی حمایت کیتی۔

اس توں وی پہلاں اجیت دے بانی ڈاکٹر سادھو سنگھ ہمدرد دے جنم دن موقعے سچے تے سچے پنجابی دے طور کلدیپ نایر نوں خاص احترام دتا گیا۔ اس موقعے پیدا ہوئے پنجابی بارے سکھاویں ماحول نے اک اجیہا ماحول قائم کر دتا جس وچ ساریاں سیاسی پارٹیاں دے آگواں نے پنجابی بارے آپنی حمایت دا وکھالا کیتا۔ اس ماحول دی سرجنا لئی اجیت پریوار اتے برجندر سنگھ ہمدرد خاص طور تے سلاہنا دے حقدار ہن۔

چندی گڑھ دی پنجابی بچاؤ ستھ دے سیمینار موقعے جناب کلدیپ نایر ولوں پنجابی بچاؤ مہم نوں شروع کرن دے اعلان نے، پنجابیاں وچ اک نویں سک پیدا کیتی ہے۔ جناب کلدیپ نایر دا ایہہ انکشاف کہ یونیسکو دی رپورٹ موجب جے پنجابی دی ایہہ ہی حالت رہی تاں پنجاہ سالاں بعد پنجابی جگت بولیاں دے نقشے توں غائب ہو جاوے گی، نے جتھے پنجابیاں وچ فکر پیدا کر دتی، اوتھے پنجابی لئی ہنبھلا مارن لئی اک ماحول وی پیدا کیتا۔