7ورھیاں دا نواں پکاسو: 14 منٹاں وچ 16 تصویراں 18 ہزار پاؤنڈ دیاں وک گئیاں
وچار ڈیسک
January 31st, 2010
برطانیہ وچ ہولٹ دے علاقے دے اک 7 ورھیاں دے بال نوں ایس دور دا پکاسو آکھیا جا رہیا ہے تے اوہ دنوں دن مشہور ہوندا جا رہیا ہے۔ اوہدیاں بنائیاں ہوئیاں 16تصویراں 14 منٹاں وچ 18000 پاؤنڈ دیاں وِک گئیاں۔
کائرون ولیمز سن برطانیہ دے اک شہر ہولٹ دا وسنیک ہے تے اوہدے وچ چترکاری دا گُن ربوں ای ہے جیہدا مقابلہ کسے وی وڈے چترکار دی کلا نال کیتا جا سکدا ہے تے لوک اوہنوں پیبلو پکاسو دے نال رلا رہے ہین جیہڑا ایانی عمرے ای ویہویں صدی دا مشہور چترکار بن گیا سی۔
