سدھراں دے جام سکھنے روز سرہانے رکھ کے سوں جاناں میں تریہائی نیندرے تے سُفنیاں وچ دیکھناں میں سوکیاں وچ سڑدے بال بھُکھے تڑفدے اکھاں دے کشکول سکھنے خلقت دے پیریں رکھدے آندراں دی پیڑ نوں لُوہسدی ہیکھی دے دُھکھدے دلاسے موت دی بدلی دی چھانویں سر لکاون دوڑدے اجل دی لُوہندی جھراٹھاں ماردی پکھنؤاں دے کھمباں وانگوں اُڈدے کھلردے اپنے لہو دے چھٹیاں نال دھرتی نوں روز رنگدے جندڑی دی بُکل لاہ کے سُولاں دے اُتے ٹنگدے انج اس دنیا دے وچوں روز لکھاں لنگھدے جاگ جاناں روز ای میں انج ای کچی نیندرے
