Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> رونالڈو بے وساہی مورت، جرمن دی جت

رونالڈو بے وساہی مورت، جرمن دی جت

وچار ڈیسک
June 17th, 2014

ورلڈ کپ 2014 دے گروپ جی دے اک مقابلے وچ جرمنی نے پرتگال نوں چار زیرو توں ہرا دتا
میچ دا مُڈھ چوکھے تیز انداز وچ ہویا تے پرتگال دے مشہور کھلاڑی کرسٹیانو رونالڈو نے جرمن گول تے پہلا حملہ کیتا جیہرا جرمنی دے دفاعی کھڈاریاں نے آرام نال جت لیا۔
میچ دے پندرھویں منٹ وچ جرمن اوس ویلے اگے ودھے جدوں ماس مولر نے پلنٹی کک تے پہلا گول کر دتا۔ جرمن ٹیم توں ماس مولر دے دو گولاں نال پہلے ہاف دے اخیر تک تن صفر دی برتری حاصل کر لئی سی۔
ماہراں موجب ہُن پرتگال لئی ایس میچ نوں جتنا ناممکن ہو چکیا سی تے کرسٹیانو رونالڈ نو اپنے آپ نوں اگلے میچ لئی فٹ رکھن لئی گراؤنڈ توں باہر جاون دا مشورہ دیون لگے۔ کرسٹیانو رونالڈو نوے منٹ دا پورا میچ کھیڈے۔
پرتگال دی ٹیم میچ دا بہتا حصہ دس کھڈاریاں نال کھیڈدی رہی۔ پرتگالی دفاعی کھڈاری پیپے نوں اوس ویلے ریڈ کارڈ وکھا کے میدانوں کڈھ دتا گیا جدوں اوہنے اپنا سر جرمن کھڈاری توماس مولر نوں ماریا۔
پیپلے نے توماس مولر دی ادکاری توں ناراض ہو کے ایسے حرکت کیتی جتھوں ماہراں نے حیرانی دا وکھالا کیتا۔ ماہراں مطابق پیپے دی حماقت دے بعد ریفری دے کول ایہنوں کارڈ وکھاون توں اڈ کوئی چارہ ای نہیں رہ گیا سی۔ پیپے نے اپنے رویے نال اپنی ٹیم لئی مشکلاں پیدا کر دتیاں۔
میچ دے دوجے ہاف وچ توماس مولر نے اک ہور گول کر کے ٹورنامنٹ دے پہلی ہیٹ ٹرک مکمل کیتی۔
فٹبال ماہر ٹونی پیولس مطابق جرمنی نے پورا میچ بڑے تحمل نال کھیڈیا۔ کسے ویلے وی کاہلی دا وکھالا نہیں کیتا۔ جرمنی دی دفاعی لائن وی مضبوط نظر آئی۔ پرتگال دی صورت حال سپین وانگ اے۔ پرتگال لئی اج کجھ وی ٹھیک نہیں ہویا۔ پر جے وہ اپنے اگلے دو میچ جت گئے تے اوہ اگلے مرحلے وچ پہنچ جاون گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels