Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> میوزیکل چیئر کھیڈ ختم: نجم سیٹھی، پی سی بی چیئرمین نے استعفیٰ دے دتا

میوزیکل چیئر کھیڈ ختم: نجم سیٹھی، پی سی بی چیئرمین نے استعفیٰ دے دتا

وچار ڈیسک
July 22nd, 2014

نجم سیٹھی نے پاکستان کرکٹ بورڈ دے چیئرمین دے عہدے توں استعفیٰ دیون دا اعلان کیتا اے تے کہیا اے کہ اوہ بورڈ دے چوناں وچ حصہ نہیں لین گے۔
ایہہ وی کہیا اے کہ اوہ نویں چیئرمین دی تقرری تک بورڈ دے چیئرمین دی حیثیت نال کم کردے رہن گے۔
پاکستان دی سپریم کورٹ دیلاہور رجسٹری برانچ وچ پاکستان کرکٹ بورڈ دے چیئرمین دی تعیناتی دی درخواساں دی سنوائی جسٹس انور ظہیر جمالی دی اگوائی وچ سپریم کورٹ دے دو رکنی بینچ نے کیتی۔
پاکستان کرکٹ بورڈ دے چیئرمین نجم سیٹھی نے عدالت نوں دسیا کہ وزیراظم نے اوہناں نوں بورڈ دی مینجمنٹ کمیٹی دا کارکن مقرر کیتا اے ایس لئی اوہ چیئرمین دا عہدہ نہیں سنبھال سکدے۔ نجم سیٹھی نے عدالت وچ اپنا استعفیٰ پیش کیتا۔
ایہناں درخواستاں دی سنوائی کرن والے بینچ دے رکن جسٹس ثاقب نثار نے کہیا کہ سپریم کورٹ ایس بارے جاری ہوون والے نوٹیفیکیشن نوں معطل کر چکی اے تے نجم سیٹھی نوں بطور چیئرمین اپنی ذمہ داریاں نبھاون دا کہہ چکی اے۔
کجھ دن پہلاں نجم سیٹھی نے وزیراعظم میاں نواز شریف نال وی ملاقات کیتی سی جیہدے وچ ایہہ فیصلہ ہویا سی کہ نجم سیٹھی کرکٹ بورڈ دے چیئرمین یاں چوناں وچ حصہ نہیں لین گے۔
میڈیا نال گل کردے ہوئے نجم سیٹھی دا کہنا سی کہ جد تک کرکٹ بورڈ دا چیئرمین نہیں آ جاندا اوس ویلے تائیں اوہ چیئرمین دی ذمہ داریاں نبھاندے رہن گے۔ اوہناں نے کہیا کہ اسلام اباد ہائی کورٹ دے فیصلے نوں سپریم کورٹ نے کالعدم قرار دے دتا اے جیہدے بعد انتظامی کمیٹی بحال ہو گئی اے
اسلام آباد ہائی کورٹ نے اپنے فیصلے وچ چودھری ذکاء اشرف نوں پاکسان کرکٹ بورڈ دے چیئرمین دی حیثیت نال بحال کیتا سی جیہدے خلاف نجم سیٹھی نے سپریم کورٹ توں سٹے آرڈر لے لیا سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels