ہندوستانی کرکٹ بورڈ نے کولکتہ نائٹ رائڈرز دی ٹیم دے مالک شاہ رخ نوں ایہہ ہدایت کیتی ہے کہ اوہ میچ وچکار کھڈاریاں دے ڈریسنگ روم وچ نہ جاون۔ فلم کلاکار شاہ رخ نے کرکٹ بورڈ دی ایس ہدایت دے جواب وچ کہیا ہے کہ اوہناں نوں اپنی کرکٹ ٹیم نال ملن توں کوئی نہیں ڈک سکدا۔ کرکٹ بورڈ دی ضابطہ کمیٹی نے آکھیا ہے کہ مینوں ڈریسنگ روم وچ جاون دی اجازت نہیں ہے۔ میں اپنی ٹیم دے نیڑے رہنا چاہناں، میں ایس دے نال رہنا چاہنا واں تے مینوں اپنی ٹیم نال ملن توں کوئی نہیں ڈک سکدا۔'
کرکٹ بورڈ دے سیکرٹری نرجن شاہ دا کہنا ہے کہ بین الاقوامی کرکٹ کونسل دے ضابطے ہیٹھ بورڈ دے عہدیدار وی ڈریسنگ روم وچ نہیں جاسکدے۔ شاہ رخ خان دے سوال تے اوہناں نے کہیا کہ '' ایہہ ضابطے دا معاملہ ہے تے ایس وچ انا دا سوال نہیں آونا چاہی دا۔
کولکتہ ٹیم دے ڈائریکٹر جوائے بھٹا چاریہ نے آکھیا ہے کہ ایہہ کوئی وڈا معاملہ نہیں ہے تے اہنوں حل کر لیا جاوے گا۔ دوجے پاسے آئی آئی سی دے ترجمان دا کہنا سی کہ ایہہ ہندوستان کرکٹ بورڈ دا معاملہ ہے ' بی سی سی آئی اپنی ڈومیسٹک گیمز دا پربندھ ویکھ رہی ہے تے اوہی اصول تے قنون نافذ کر رہی ہے، آئی سی سی دا ایس نال کوئی تعلق نہیں ہے۔'
ایہہ پاڑ اک انج دے ویلے وچ پیدا ہویا ہے جدوں آئی پی ایل ٹورنامنٹ سیمی فائنل دے مرحلے وچ داخل ہو رہیا ہے۔ مقابلے وچکار ایس توں پہلوں وی کئی پھڈے پئے ہین پر اوہ آئی پی ایل دے سوادی مقابلیاں دے پچھے لُک گئے۔ ایہہ پھڈا وی خورے بوہتا نہ ودھے۔
