کرِکٹ کاروبار بن گئی ہے۔ ٤٤ دِن اَتے ١٢ ارب دی کمائی۔ سَیٹّ مَیکس کھیڈ چَینل کول آئی. پی. ایل. دے ٹیلی کاسٹ دے حق سن۔ ایہناں دِناں دوران سَیٹ مَیکس ویکھن والیاں دی گِنتی اینی زیادہ سی کہ اِک وار ١٠ سَیکنڈ اِشتِہار وِکھاؤن دے ١٠ لکّھ روپئے لاے گئے۔ اِک لکّھ دا اِک سکِنٹ۔ ہر روز ویکھے جان والے من پیارے سیریل پِچّھے جا پئے۔ سَیٹ مَیکس ہندی دے پہلے ١٠ چَینلاں وِچ شامل ہو گیا جس نے فِلم چَینل اَتے منورنجن چَینلاں نوں وڈّا نُقصان پہُنچایا۔
شروع وِچ جِویں کھِڈاریاں دی بولی لگّی۔ سارے حیران سن۔ کرِکٹ پریمی پریشان سن کہ اینے خرچے کیویں پُورے ہونگے۔ ٹی. وی. اِشتِہاراں توں ٦ ارب روپئے، سپانسرشِپ توں ٩ ارب روپئے، ٹِکٹاں توں پونے دو ارب روپئے اَتے سٹیڈیم اندر اِشتِہاربازی توں ٨٠ لکّھ روپئے کمائے گئے۔ چالی لکّھ نے سٹیڈیم وِچ جا کے، ٢٠ کروڑ بھارتیاں نے ٹیلیوژن ’تے اَتے اِک کروڑ وِدیشی لوکاں نے ایہہ مَیچ ویکھے۔
کرِکٹ دا سروپ کئی وار بدلیا ہے۔ پر آئی. پی. ایل. دے رُوپ وِچ جو تبدیلی ساہمنے آئی ہے، اُوس نے کھیڈ چس اَتے کرِکٹ پریم نوں سٹّ ماری ہے۔ میڈیا نے اِس نوں اوسے رُوپ وِچ ویکھن، پڑھن لئی بھارتیاں نوں مجبور کیتا ہے۔ لگدا ہے کھیڈ چس جلدی ہی بیتے دی گلّ بن جاوے گی۔ اجیہی لیگ دوران کرِکٹ بورڈ، کھِڈاری اَتے چَینل کمائی کردے ہَن پرنتو مُلک دھن، اورجا اَتے سمیں دی بربادی کردا ہے۔
میڈیا نے دِل کھول کے آئی. پی. ایل. نوں کوریج دِتّی۔ قومی اخباراں نے اِک شمارے وِچ تِنّ-تِنّ صفے کارگُزاری اَتے چرچہ دے لیکھے لائے۔ نِیوز چَینلاں ’تے لگاتار کرِکٹ ماہِراں نال کھِڈاریاں نال اِتھوں تکّ کہ کھِڈاریاں دے ٹبر دے میمبراں نال ملاقاتاں جاری رہیاں۔ ڈی. ڈی. سپورٹس اَتے ڈی. ڈی. نِیوز وی آئی. پی. ایل. دے رنگ وِچ رَنگے رہے۔ دُوجے پاسے مَیکس نے ہورناں چَینلاں دے پروگراماں تے ہی اثر نہیں پایا بلکہ ایہناں دِناں دوران رِلیز ہوئیاں فِلماں وی اِس دی مار توں نہیں بچ سکیاں۔ بہُت گھٹّ ویکھن والے نویاں رِلیز ہوئیاں فِلماں نوں ویکھن لئی تِھئیٹر وِچ گئے۔ اِس ماحول اَتے بھارتی ہُنگارے توں لگدا ہے کہ آؤن والے ورھیاں دوران جِتھے کھِڈاریاں دے مُلّ وِچ وڈّا وادھا ہووےگا اَتے اوہ مہِنگے بھائ وِکن گے، اوتھے نامور انٹرنیشنل کھِڈاری اِس لیگ ولّ کھِچّے جانگے۔ ٹیلیوژن چَینلاں وِچارے ٹیلی کاسٹ خریدن لئی سخت مقابلہ ہووےگا۔
