پارلیمانی تاریخ: صدر اسحاق نے سب توں ودھ7 واری سانجھے اجلاس نال خطاب کیتا

پارلیمانی تاریخ دسدی ہے پئی غلام اسحاق خان نے ملک دے صدر دی پکھ توں ست واری پارلیمنٹ دے سانجھے اجلاس نال خطاب دا ریکارڈ بنایا سی۔ اوہناں نے 8 نومبر1990،10 اپریل 1991، 19 دسمبر 1991، 7 ستمبر 1992،22 دسمبر1992 تے ایہدے توں پہلوں 14دسمبر1988 تے 2 دسمبر1989 نوں پارلیمنٹ دے سانجھے اجلاس نال خطاب کیتا۔ غلام اسحاق خان توں مگروں پارلیمانی تاریخ وچ جنرل ضیاء الحق دوجے پردھان سی جنہاں پنج واری پارلیمنٹ نال خطاب کیتا سی۔ اوہناں نے23 مارچ1985،30 دسمبر 1985، 8 جولائی 1986، 19 اپریل1987 تے پھیر 7 اپریل1988 نوں پارلیمنٹ دے سانجھے اجلاس نال خطاب کیتا۔ قائم مقام صدر دی پکھ توں وسیم سجاد نے پہلی واری 27 اکتوبر1993 تے پھیر 26 مارچ 1997 نوں پارلیمنٹ نال خطاب کیتا۔ سردار فاروق احمد لغاری تے محمد رفیق تارڈ نے 23 فروری 1998 تے 11 مارچ 1999 نوں پارلیمنٹ نال خطاب کیتا سی۔ جنرل پرویز مشرف نوں بس اک واری 17 جنوری 2004 نوں پارلیمنٹ نال خطاب دا موقع ملیا جدوں کہ ہن دے صدر آصف علی زرداری نوں ایہہ اعزاز ہووے گا پئی اوہ دوجی واری کل پارلیمنٹ دے سانجھے اجلاس نال خطاب کرن گے۔ صدر زرداری نے پارلیمنٹ نال پہلا خطاب پچھلے سال 20 ستمبر نوں کیتا سی۔