سونے دی اہمیتجِنی اج ہے اج توں چار ہزار سال پہلاں پیرو دے وسنیکاں لئی ایس توں گھٹ نہیں سی۔
ماہر آثار قدیمہ دا آکھنا اے کہ اوہناں دکھنی پیرو دے ٹِٹِکاکا لیک دے کول اک ہار ملیا اے جیہڑا براعظم امریکہ وچ بنیا سونے دا سبھ توں پرانا گہنا اے۔
چار ہزار سال پُرانے ایس نیکلس نوں سونے دے ٹوٹیاں نال بنایا گیا اے۔
ایس کھوج توں ایہہ دَس پیندی اے کہ انڈیز دی پڈاڑیاں وچ اوکھے سماجاں دے مُڈھ بنھن توں پہلاں ای سماج وچ حیثیت ثابت کرن لئی لوکاں دے وچکار سونے دے گہنے پاون دا رواج سی۔
ایس کھوج نال جڑے ڈاکٹر مارک ایلڈینڈرفر نے دسیا کہ " سونا دنیا بھر وچ انساناں وچ مشہوری تے حیثیت ثابت کرن دا ذریعہ رہیا اے۔ اوس ویلے سونے دی ودھدی سماجی اہمیت دا وی ایس کھوج توں گویڑ لگدا اے۔"
ایہہ نیکلس پیرو دے جسکائیروموکو قبرستان دے نیڑے اک قبر وچ اک شخص دے جبڑے دے نیڑیوں ملیا اے۔ سائنسداناں دا مننا اے کہ ممکن اے کہ اک لمی عمر دی سوانی ایہنوں پہنیا ہوئے۔
ہار وچ جیہڑے سونے دے ٹوٹے لگے نیں اوہناں تے بنے نشاناں توں پتہ لگدا اے کہ پتھر دے ہتھوڑیاں نال کُٹ کے چمیڑیا گیا ہے فیر اوہنوں موڑ کے پائپ جیہی شکل دِتی گئی اے۔
