دوجی جنگ عظیم وچ ہار دے خوف نال خود کشی کرن والے ایڈولف ہٹلر دی خود کشی نوں اج تریٹھ سال پورے ہو گئے۔ ویہویں صدی نوں اپنے غصے دی وجہ توں گرماون والا ایڈولف ہٹلر 20 اپریل 1889 نوں اسٹریا وچ جمیا۔ سولاں سال دی عمر وچ ہٹلر نوں تعلیم وچ دلچسپی نہ ہوون کارن سکولوں ویہلا کر دتا گیا۔
مصوری دیاں رب ولوں دتیاں خوبیاں نال بھرے ایڈولف ہٹلر اُنی سو پنج وچ ویانا ٹر گئے تے اُنی سو چھ تے ست وچ ویانا دی اکیڈمی آف فائن آرٹس وچ پھیر داخلہ لین دی کوشش کیتی پر ناکام رہیا۔ اُنی سو ست وچ ماں دے مرن توں مگروں ہٹلر نے ویانا وچ پوسٹ کارڈ تے ہور تصویراں دی نقل بنا کے گذارا کیتا۔ پہلی جنگ عظیم وچ جرمنی تے دھاڑے توں مگروں ہٹلر نے فوج وچ بھرتی ہوون دا فیصلہ کیتا تے میونخ ٹر گیا جتھے اوہنے بہادری دے کئی ایوارڈ وصول کیتے۔ ایڈولف ہٹلر اُنی سو تیتی تے چونتی تیکر جرمنی دا وائس چانسلر رہیا۔ اُنی سوانتالی وچ پولینڈ تے دھاڑا کیتا جیہڑا دوجی جنگ عظیم دا کارن بنیا جیہڑی اُنی سو پنتالی تیکر جاری رہی۔ تریہہ اپریل اُنی سو پنتالی نوں ہٹلر نے زمین ہیٹھ بنکر وچ سائینائٹ دی گولی کھا کے اپنی زندگی مُکا لئی تے ہمیش لئی اپنے آپ نوں تاریخ دا حصہ بنا گیا۔
