Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کارٹون تے مُورتاں >> اودھم سنگھ دی نویں لبھی تصویر

اودھم سنگھ دی نویں لبھی تصویر

امرجیت چندن
May 8th, 2009
4 / 5 (1 Votes)



سنہ1938دے لاگے دی کچھی ہوئی اودھم سنگھ شہید دی ایہہ تصویر ورھیاں تو لندن دی ہلٹن گیٹی پکچر آرکائیو وچ پئی رہی ہے۔آرکائیو دی کیٹالوگ وچ تصویر دا سرلیکھ نرا سکھ لکھیا ہویا ہے۔ ایہہ نہیں دسیا کہ گورو کے لنگر دی سیوا کر رہیا پوریاں ویل رہیا سنام والا سورما اودھم سنگھ ہے۔پر کوئی وی چہرہ شناس (فزیونومسٹ) تے باریک بین جھٹ پچھان لوے گا کہ ایہہ تاں اودھم سنگھ ہے۔ایہہ فوٹو دیکھن سار ہی مینوں چاء چڑھ گیا کہ ایہہ تاں ساڈا شہید ہے۔کجھ سالاں پہلاں جالندھر والی دیش بھگت یادگار واسطے جد میں ایہدی موت دا سرٹیفیکیٹ کڈھوایا سی، تاں کاغذ ہتھ چ پھڑدیاں میریاں بھباں نکل گئیاں سن۔

ہن ایہہ تصویر خالصہ جتھا برٹش آئلز دے قیام دی پہلی ورھے گنڈھ ویلے چھپی ہے۔سنت عطر سنگھ دے گھلے پنج سنگھاں مستوآنے والے تیجا سنگھ، دھرماننت سنگھ، امر سنگھ، ہری سنگھ تے بھگت سنگھ ہوراں نے خالصہ جتھا برٹش آئلز ساجیا سی۔پر ورھے گنڈھ والی کتاب چ ایہہ نہیں دسیا ہویا کہ تصویر والا بندہ کون ہے۔میں جد اس کتاب دے ایڈیٹر بھوپندر (پیٹر) بنس نوں دسیا کہ ایہہ تاں پکا اودھم سنگھ ہے، تاں اوہنے جواب دتا کہ اسیں وی پہلاں ایہی سوچیا سی؛ پر سانوں یقین نہیں سی آؤندا۔

سنکلیار روڈ شیفرڈز بش والا گرودوارہ پٹیالے والے راجے بھوپندر سنگھ نے سن1913 و چ بنوایا سی۔ صدی دے شروع و چ ہندوستانی رجواڑے ولایت عیاشیاں کرن آؤندے ہوندے سی پٹیالے والے راجے نے لہندے لندن وچ اپنی ٹھاہر بنا لئی اتے نال یورپ دا پہلا گرودوارہ بناؤن دا پن والا کم وی کر دتا پہلاں ایہدا ناں مہاراجہ بھوپندر سنگھ دھرم شالہ سی۔ایہہ گرودوارہ مڈھلے پنجابی آواسیاں دی دن سدھ ویلے ملن تے ٹکن دی تھاں ہوندی سی۔ہن ایہہ بھاپیاں دا گرودوارہ کرکے جانیاں جاندا ہے، پر کاغذاں چ ایہہ ناں چلدا ہے: سینٹرل گرودوارہ (خالصہ جتھا) لندن۔

اودھم سنگھ انگلینڈ و چ پہلی وار سن 34 دے اخیر چ پجا سی۔وچ وچ ایہہ روس، جرمنی جاندا رہیا. ایہہ فوٹو سن 38 دی کھچی لگدی ہے۔شہید دے نال دے ایہنوں باوا جاں سادھ آکھ کے بلاؤندے ہوندے سی۔

اوسے گردوارے دی گروپ فوٹو و چ عین پچھے سجے ہتھ کھڑے شہید دی سن 37 دی اک ہور تصویر عام جانی جاندی ہے. ایہہ گریٹر مانچیسٹر کاؤنٹی ریکارڈ آفس و چ سانبھی ہوئی ہے۔

Udham Singh


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels