امریکہ: کرودھ دی سیاست تے اوبامہ

نیویارکر رسالے نے اوبامہ دا اِک کارٹون چھاپیا ہے جیس وچ اوہناں نوں عرب چوگا پایا وکھایا گیا ہے۔ اوہناں دی بیوی مشلے نوں دہشت گرد کپڑیاں وچ کاشنکوف لمکائے وکھایا گیا ہے۔ پچھے کندھ تے اوسامہ دی تصویر ٹنگی ہوئی ہے تے آتش دان وچ امریکی جھنڈا سڑدا وکھایا گیا ہے۔

ایس کارٹون وچ وکھایا گیا ہے جو اوبامہ ات واد تے دہشت گرد ہے تے جے اوہ حکومت وچ آگیا تے امریکی جھنڈا اگ وچ سڑے گا۔

رسالے دے چھاپن والیاں دا آکھنا ہے جو ایہہ مہنے والی جُگت سی جیس دا مطلب سی جو اوبامہ دے خلاف کیس طرحاں دی مہم چل رہے تے ایہہ کارٹون کھبی پکھ ولوں اوبامہ تے تنقید دا جواب سی۔

اوبامہ تے اوہناں دے ورودھی ریپبلکن پارٹی دے صدارتی امیدوار جان مکین نے رسالے دی نکھیدی کیتی ہے تے ایس نوں واہیات کہیا گیا ہے ۔