Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> آکھیا وارث شاہ نے >> ہیر وارث شاہ بند ٤١

ہیر وارث شاہ بند ٤١

June 16th, 2007

باس حلویاں دی خبر مردیاں دی ، نال دعائیں دے جیوندے مار دے ہو
انھے کوڑھیاں لولیاں وانگ بیٹھے قرعہ مرن جمان دا مار دے ہو
شرع چا سرپوش بنایا جے ، روادار وڈھے گنہگار دے ہو
وارث شاہ مسافراں آئیاں نوں چلو چل ہی پئے پکار دے ہو



مشکل لفظاں دے معنے

قرعہ مارنا۔ دانہ سٹ کے پرچی کڈھ کے کسے دی واری دا دسنا، جیویں سکہ سٹ کے واری متھی جاندی ہے۔
جمان۔ ایس دا مطلب موت یا موت دا فرشتہ (جم دوت) وی ہو سکدا ہے تے ایتھے ایس دا مطلب پیدا ہونا وی کڈھیا جا سکدا ہے۔
سرپوش۔ سر نوں ڈھکن والا کپڑا پر سرپوش عام طورتے کھانے نوں اتوں ڈھکن والے کپڑے نوں کہیا جاندا ہے
روادار۔ حق دار

سدھا مطب

[رانجھا ملاں دا جواب دیندیاں کہندا ہے) جو تہاڈا سارا کم ایہہ ہے کہ سارا دن سنگھدے رہندے او کتھے حلوہ پکیا تے کون ختم (بھوگ) لئی تہانوں سد رہیا ہے۔ ایس دے نال نال تسیں مرن والیاں دی خبر وی لیندے رہندے ہو( جو تہانوں اوس دے جنازے تے دوجے درود فاتحہ (انتم سنسکار) لئی فیس ملدی ہے)۔ تسیں لوکاں نوں کہندے ہو جو تہاڈیاں دعاواں نال کوئی مر سکدا ہے یا پیدا ہو سکدا ہے۔
تسیں انھیاں، لولیاں تے کوہڑیاں وانگ بیٹھے لوکاں دے مرن جیون دیاں فالاں (پتریاں) کڈھدے رہندے ہو۔
تہاڈے لئی مذہب دے شرع سرپوش دا کم دیندی ہے (مطلب اپنا اصلی کم لکاون لئی اتے شرع دا پردہ پایا ہویا اے)۔ ایس لئی تسیں بڑے وڈھے گناہ کر رہے ہو
تسیں مسیت وچ آئے راہیاں نوں چلو چل کہ کے تراہندے رہندے ہو۔

کھلارواں مطلب

ایس بند وچ وارث شاہ راجنھے راہیں ملانیاں دی اصل حقیقت دسدا ہے۔ اوہ کہندا ہے جو تسیں مذہب نوں اک پیشہ بنایا ہویا ہیتے پیشہ وی گندہ جیہڑا ہینے لوکاں دا ہوندا ہے جیہڑے کوئی کم کر نہیں سکدے تے سیونک وانگوں سماج نوں کھائی جاندے ہین۔

وارث شاہ ملانیاں دی روز دا ویہار ، اوہناں دے کم تے اوہناں دے چالے دسدا ہے۔ تے ملانیاں دا کم ہے حلویاں دی بو سنگھدے رہنا تے آس لائی رکھنی جو کتھوں سدا آوندا ہے ۔ یا پھیر مرن والیاں دا پتہ کردے رہنا ، مطلب لوکاں دے مرن تے عیش کرنا۔ایس لئی دعاواں منگدے رہنا جو کوئی مرے تے کوئی جمے کیوں جو دوہاں موقعیاں تے فیس ملدی ہے تے چنگا کھاون وی۔

دوجے مصرعے وچ وارث شاہ کہ رہیا ہے جو ہر پیشہ سماج لئی کجھ نہ کجھ کردا ہے ، اوس لئی کجھ پیدا کردا ہے تے کھاندا ہے پر ملانے کجھ وی پیدا نہیں کردے۔ اوہ ہینیاں لوکاں وانگ بیٹھے رہندے ہین تے بس لوکاں دے مرن جیون دی واری تکدے رہندے ہین۔ ایہو اوہناں دا پیشہ ہے۔

تیجے مصرعے وچ گل دا خلاصہ کردیاں وارث شاہ ملاں دے مذہب نوں چھڑا اچھاڑ یا پردہ پاون والا کپڑا کہندا ہے۔ اصل وچ ملاں ہونا بغیر کم کار دے لوکاں نوں چوسنا ہے۔ شرع دیاں گلاں تے ایویں اپنا اصل پیشہ لکاون لئی کیتیاں جاندیاں ہین۔ایہہ دوگلا پن وڈھا گناہ یا پاپ ہے۔تے کسے پاپی نے کسے ہور نوں کیہ بخشوانا ہے؟

اخیر تے وارث شاہ پھیر مسیت دے مقصد ول سینت ماردا ہے جو ایہہ آئے گئے مسافراں دی تھاں ہونی چاہیدی اے پر ملانیاں نے اوس تے قبضہ کیتا ہویا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels