بیت بابا فرید 187-196

187
دمامہ وجیا موت دا ، چڑھیا ملک ُ الموت
گھِن دا ہے جندڑی ، ڈھاہن واہے کوٹ
کوٹ ڈھٹھا گھر لٹیا ، ڈیرے پئی کہاہ
جیوندیاں دے ہور راہ ، مویاں دے ایہی راہ

188
دُنی دے لالچ لگیّاں ، محنت بُھل گئی
جاں سِر آئی آپنے ، تاں سبھو وِسر گئی

189
دیہہ جر جر بھئی فریدا ، نینیں وہے سریش
سے کوہاں منجھا بھیا ، آنگن تھیا بدیس

190
راتیں سویں کھٹ فریدا ، ڈینہیں پِٹیں پیٹ کُوں
جاں تَو کھٹن ویل ، تداہیں تَیں سوں رہیا
191
سِکاں سِک سِکندیاں ، سِکیں ڈینہے رات
مینڈیاں سِکاں سبھ پُجن ، جاں پریا پائی جھات
192
سو در سچا سیو فریدا ، جت مُکلوُبنی جاہ
رِج مستک ہڈ کھوہ ، عمل نہ وکن کھاہ

193
سے داڑھیاں کوڑادیاں ، جو شیطان بھچن
اہرن تلے ودان جیوں ، دوزخ کھڑ دھرئین

194
فریدا ایسا ہوءِ رہو ، جیسا ککھ مَسِیت
پیراں تلے لتاڑیے ، کدے نہ چھوڑیں پریت

195
سائیں سیویاں کھل گی، ماس نہ رہیا دیہہ
تب لگ سائیں سیو ساں ، جب لگ ہوسوں کھیہہ

196
فریدا پاؤں پسار کے ، اٹھے پہر ہی سَوں
لیکھا کوئی نہ پچھ ای ، جے وچوں جاوی ہَوں