Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> بابا فرید >> بیت بابا فرید 177-186

بیت بابا فرید 177-186

بابا فرید
January 31st, 2008

177
جنگل ڈھونڈیں سنگھنا ، لمے لُڑیا نہ وت
تن حُجرہ درگاہ دا ، تِس وِچ جھاتی گھت
178
جیں در لگے نینہہ فریدا سو در ناہیں چھڈنا
آ پوے بھانویں مینہہ سر ہی اُپر جُھلنا

179
جے توں دل درویش فریدا رکھ عقیدہ ساہمنا
درہیںسیتی دیکھ ، متھا موڑ نہ کنڈ دے

180
جے توں ونجیں حج ، حج ہبھو ہی جیا میں
لاہ دلے دی لج ، سچّا حاجی تاں تِھیویں

181
جے جے جیویں دنی تے ، کھریے کہیں نہ لاءِ
اِکّو کھپّھن رکھ کے ، ہور سبھو دیہہ لٹاءِ

182
چُوڑیلی سیوں رتّیا دنیا کُوڑا بھیت
ایہنیں اکھیں ویکھدیاں اُجڑ ونجے کھیت

183
واڑھیاں لکھ وتن فریدا ہبھ نہ وہکّو جیہیاں
اک در لکھ لہن ، ہک ککھوں کنوں ہولیاں

184
در بھیڑا گھر سنکڑا ، گور نواہوں نِت
دیکھ فریدا جو تھیا ، سو کل چلے مِت

185
در دسانیاں کانیاں ، رب نہ گھڑیئین
لگن تنہاں منافقاں ، جو کدہیں نہ جانیں
درد نہ ونجم داروئیں ، جے لکھ طبیب لگن
چنگی بھلی تھی بہاں، جے مُوں پِری مِلن

186
دل اندر دریاؤ فریدا ، کنڈھی لگا کیہ پھرے
ٹُبھی مار منجھاہیں ، منجھوں ہی مانگ لہیں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels