Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> بابا فرید >> بیت بابا فرید 126-136

بیت بابا فرید 126-136

بابا فرید
January 31st, 2008

126
کَون سو اکھّر، کَون گُن ، کَون سو منیا منت
کَون سو ویسو ہَوں کِری جِت وَس آوے کنت

اوکھے لفظاں دے معنے

کَون سو اکھّر: کون سا حرف۔
کَون گُن :کون سی خوبی۔
کَون سو منیا :کونسا قیمتی موتی۔
منت:منتر۔
کَون سو ویسو:کون سا لباس۔ بھیس۔
ہَوں کِری :میں کُروں۔
جِت : جیس توں۔
وَس آوے : قابو وچ آوے۔
کنت:خاوند۔ مالک۔ خُدا۔
127
نِوَن سو اکھّر ، کھَون گُن ، جِیبھا منیا منت
ایہہ ترَے بھَینے ویس کر تاں وَس آوی کنت

اوکھے لفظاں دے معنے

کھون گُن: حلیمی تے بُردباری دی خوبی۔
جیبھا: میٹھی زبان۔ میٹھا بول۔
ایہہ ترَے : اے تین۔
بھَینے: اے بہن!
128
مت ہوندی ہوئے ایا نا تان ہوندے ہو ئے نِتانا
اَن ہوندے آپ ونڈائے : کوئی ایَسا بھگت سدائے

اوکھے لفظاں دے معنے

مت: سمجھ عقل
ایانا: انجان ۔ نادان
تان: توان ۔ قوت ۔ طاقت۔
نِتاتا: ناتوان ۔ کمزور۔
اَن ہوندے: نہ ہوتے ہوئے۔
ونڈائے: بانٹے ۔ تقسیم کیے۔
بھگت: درویش۔
129
اِک پِھکّا نہ گالائیں ، سبھناں میں سچّا دھنی
ہیاؤ نہ کہیں ٹھاہیں ، مانک سبھ امَولویں

اوکھے لفظاں دے معنے

پِھکّا : پھیکا ۔ روکھا۔
گالائیں : گل بات کرنا۔
سچّا دھنی:سچّا ۔ مالک ۔ خُدا۔
ہیاؤ :دل
ٹھاہیں :ڈھائیں۔ توڑیں۔
مانک :موتی۔
امَولویں:انمول۔ بیش قیمت۔
130
سبھناں من مانک ، ٹھاہن مُول مچانگوا
جے تَو پِریا دی سِک ہِیاؤ نہ ٹھاہیں کِہیں دا

اوکھے لفظاں دے معنے

من : دل
مانک: موتی
ٹھاہین: توڑتا۔
مُول: ہرگز۔
مچانگوا: اچھا نہیں ہے۔
پِریا: محبوب۔ خدا۔
سِک: آرزو ۔ خواہش ۔
ہیاؤ۔ دل

آسابانی پہلی

131
دِلو ں محبت جیں سَے ای سچّے آ
جَیں من ہور ، مُکھ ہور ، سَے کانڈھے کچّے آ
رتّے عِشق خداءِ رنگ دِیدار کے
وِسّریا جَیں نام تے بھَوَمیں بھار تھئے

133
آپ لیے لڑ لا ءِ در درویش سے
تن دھَن جنیندی ماؤ آئے سپھل سے

134
پرودگار ، اپَار ، اگَم ، بے انت تُوں
جِنھاں پچھاتا سچّ چُمّاں پَیر مُوں
تیری پنہ خداءِ نوں بخشندگی
شیخ فریدے خیر دِیجے ، بندگی

اوکھے لفظاں دے معنے

جیں: جیناں توں۔
سے اِی: وہُی۔
سچے آ: سچے ہین۔
سَے: وہُی۔
کانڈھے: کہلاندے ہین۔
کچے: ناپختہ۔
رتے: رنگے۔
وِسریا: بُھولا۔ بھُلایا۔
بھوئیں: زمین تے بوجھ بن گئے۔
بھارتھئے: بوجھ بن گئے۔
آپ: خُدا۔
لڑلا
ءِ: اپنے دامن سے باندھ لیا۔
دردرویش: درویش دی بارگاہ۔
جنیندی: جننے والی۔
دھن: صاحب نصیب ۔ مبارکباد دے قابل۔
سپھل: کامیاب ۔ پھل والا۔
پروردگار: پرورش کرن والا۔ پالنے والا۔
اَپار: لامحدُود: بے انت۔
اَگم: پہنچ توں باہر۔
بے انت : جس دی ابتداہو۔ انتہا نہ ہو۔
سچ: حق
مُوں: میں
پَنَہ : حفاظت ۔ آسرا۔
بخشندگی: بخشے والا۔
فریدے: فرید کو۔
خیر: بھیک ۔ خیرات۔
بندگی : عبادت ۔ سلام۔


آسا بانی، دُوسری

135
بولے شیخ فرید پیارے اللہ لگے
ایہہ تن ہوسی خاک نِمانی ، گور گھر ے
اَج مِلاوا شیخ فرِید
ٹھاکم کُونجڑِیاں، منوں مچندڑِیاں

136
جے جانا مَر جائیے گُھم نہ آئیے
جُھوٹی دُنیا لگ نہ آپ ونجائیے
بولیے سچ دھرم ، جھُوٹھ نہ بولِیے
جو گُر دَسّے واٹ مُریداں جولِیے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels