Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> بابا فرید >> بیت بابا فرید 106-115

بیت بابا فرید 106-115

بابا فرید
January 31st, 2008

106
تِنھاں مُکھ ڈراو نے جِنھاں وساریو ناؤں
ایتھے دُکھ گھنیرے آ اَگّے ٹھور نہ ٹھاؤں

اوکھے لفظاں دے معنے

تِنھاں: اینہاں دا۔
مُکھ: مُنہ۔ چہرے۔
وِساریو: بُھلا دیا۔
نا،وں: اللہ دا ناں۔
گھنیرے: بہتے۔
ٹھور: ٹھکانہ۔
ٹھاؤں: روکن دی ٹھار۔
107
پچھل رات نہ جاگیو ں نہ جِیَوندڑومویوں
جے تیں رب وِساریا تَیں رب نہ وِسریوں

اوکھے لفظاں دے معنے

پِچھل رات: رات دے پچھلے پہر۔ تہجّد دا ویلا۔
جیوندڑو: جیندے جی۔
مویوں : مرگیا۔
تیں: تیرے لئی۔
وِساریا: بُھلا دیتا۔
وَسریوں : بھُلایا۔
108
فریدا کنت رنگا ولا، وڈّا بے محتاج
اللہ سیتی رتّیا ایہہ سچاوا ساج
(ازگُروارجن)
کنت : خاوند۔ ملک۔ خُدا
رنگا ولا: بہتے رنگاں والا۔
وڈّا :بہتا۔
بے محتاج:کسی دا محتاج نہیں۔
سیتی : سے۔
سچاوا :حقیقی۔
ساج:رُوپ۔
109
فریدا دُکھ سُکھ اِکُ کر ، دِل تھِیں لاہ وِکار
اللہ بھاوے سو بھلا تاں لبھّی دربار
(ازگُروارجن)


اوکھے لفظاں دے معنے

وِکار : گناہ، باپ۔
لبھّی: مِلے۔
110
دُنی وجائی وجدی ، تُوں بھی وجَّیں نال
سوئی جِیو نہ وَجّدا جِس اللہ کردا سار
(ازگُروارجن)

اوکھے لفظاں دے معنے

دُنی: دُنیا۔
وجائی وجدی: بجانے سے بجتی اے۔
وَجّیں : بجتا رہو:
جیو: اِنسان ۔ رُوح۔
سار: حفاظت ۔ خیر۔
111
دِل رتّا اس دُنی سیوں ، دُنی نہ کِیتے کم
مثل فقیراں گا کھڑی سو پائیے پُور کرم
(ازگُروارجن)

اوکھے لفظاں دے معنے

دِل رتّا :دِل رنگا ہویا اے۔
دُنی سیوں : دُنیا وچ۔
نہ کِیتے کم:کِسی کام کا نہیں۔
گا کھڑی :مُشکِل۔
سو پائیے :اوہ پاندا اے۔
پُور کرم: اچھی قسمت۔
112
پہلے پہرے پھُلڑا ، پھَل بھی پِچھّا رات
جو جاگن لہن سے سائیں کنُوں دات

اوکھے لفظاں دے معنے

پہلے پہر: رات دا پہلا پہر۔
پِچھّا رات: رات دا پچھلا پہر۔
جاگن : جاگدے ہین۔
لہن سے :لے لواں گے۔
سائیں :مالک۔ خُدا۔
کنُوں :سے۔
دات:انعام۔ بخشش۔
113
داتِیں صاحب سندِیاں کیا چلے تِس نال!
اِک جاگندے نہ لہن اِک سُتیّاں دے اُٹھال
(از گُرونانک)

اوکھے لفظاں دے معنے

داتِیں : نعمتاں۔ انعامات۔
تِس: اُس دا۔
نہ لہن: نہیں ملدا۔
جاگندے: جاگدے ہوئے۔
114
ڈُھونڈیندیئے سُہاگ کُوں ! تَو تن کائی کور
جِنھاں ناؤں سُہاگنی تِنھاں جھاک نہ ہور

اوکھے لفظاں دے معنے

ڈُھونڈیندیئے : ڈھونڈھنے والی۔
سُہاگ : بیاہ ۔ شادی۔
تَو تن : تیری ذات۔
کائی : کوئی۔
کور: کمی۔ کسر۔ عیب۔
ناؤں :ناں۔
115
صبر منجھ کمان اے ، صبر کا نِیہنو
صبر سندا بان ، خالِق خطا نہ کری!

اوکھے لفظاں دے معنے

صبر: حوصلہ۔
منجھ: بیج وچ۔
نِیہنو: کمان دا چلّہ۔
بان : تِیر۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels