75 فریدا خالق خلق میں، خلق وسّے ربّ مانہہ مندا کِس نُوں آکھیے جاں تِس بِن کوئی نانہہ (ازگُروارجن)
اوکھے لفظاں دے معنے
خالق : پیدا کرنے والا۔ خلق: جوپیدا ہوا۔ مخلوق۔ لوگ۔ دَسّے: آباد ہو۔ مانہہ: میں مندا : بُرا تِس بن: تیرے بغیر۔ 76 جیں دینہہ نالا کپّیا جے گل کپّیں چُکھ پَوَن نہ اِتّی ماملے ، سہاں نہ اِتّی دُکھ
اوکھے لفظاں دے معنے
جَیں : جِس۔ دینہہ: دِن۔ نالا: آنول نال جس دے ذریعے بچہ ماں دے پیٹ وچ خوراک لیندا اے تے جد بچہ جم پیندا اے تے اُس نوں کَٹ دیتا جاندا اے۔ ناڑُو۔ 77 چبّن ، چلن ، رتن ، سے سنیئر بھی گئے ہئیڑے مُتّی دھاہ سَے جانی چل گئے
اوکھے لفظاں دے معنے
چبّن: چبانا۔ دانت چلن: چلنا۔ ٹانگیں۔ رتن: اکھاں۔ سّے: اوہ سُنیر: سنن والے کان۔ ہئیڑے: دل، قلب مُتی: ماری۔ دھاہ: ڈھاڑاں مارکے رونا۔ چیخنا۔ چلانا۔ 78 فریدا بُرے دا بَھلا کر ، غُصّہ من نہ ہنڈھاءِ دیہی روگ نہ لگ اِی پلّے سبھ کُجھ پاءِ
اوکھے لفظاں دے معنے
بُرے: بد بندہ نہ ہنڈھائ: نہ آن دیوے۔ دیہی: جسم۔ سریر۔ روگ: بیماری۔ مرض۔ لگ ای: لگے گا۔ پلّے پا: دامن ۔ پلّو وچ بندھ لے۔ 79 فرید پنکھ پَروہنی دُنی سہاوا باغ نَوبت وَجّی صُبح سِیوں چلّن کا کر ساج
اوکھے لفظاں دے معنے
پنکھ: پرندے ۔ پنچھی۔ پروہنی: مہمان۔ دُنی: دُنیا۔ سہاوا: خوبصورت ۔ دل لُبھانے والا۔ نَوبت: نقارہ۔ جوویلا ظاہر کرن لئی بجایا جاندا اے۔ سیوں : ساتھ ساج: ساز۔ سامان 80 رات کتُھوری ونڈئیے ، سُتّیاں مِلے نہ بھاؤ جِنھاں نَیں نِندراولے تِنھاں مِلن کواؤ
اوکھے لفظاں دے معنے
کتھوری: کستوری۔ مشک نافہ۔ ونڈئیے: تقسیم کریں۔ بھاؤ: حصہ نین نندرا ولے: جنہاں اکھیاں وچ نندر بھری ہوے۔ کواؤ: کیس طرح۔ تنھاں: اینہاں نوں۔
81 میں جانیا دُکھ مُجھی کو دُکھ سبھائے جگ اُچّے چڑھ کے دیکھیا تاں گھر گھر ایہا اَگ
اوکھے لفظاں دے معنے
میں جانیا: میں سمجھیا سی۔ سبھائے: ساریاں نوں۔ سارے۔ جُگ: زمانے۔ دُنیا 82 فریدا بھوُم رنگا ولی منجھ وسولا باگ جو جَن پِیر نواجیا تِنھاں آنچ نہ لاگ (از گُرو ارجن)
