Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> بابا فرید >> بیت بابا فرید 65-74

بیت بابا فرید 65-74

بابا فرید
January 31st, 2008

65
ہنس اُڈر کو دھرے پیا لوک وِڈارن جا
ءِ
گیہلا لوک نہ جاندا ہنس نہ کودھرا کھاءِ

اوکھے لفظاں دے معنے


اُڈر: اُڑ کر
کوڈھرے : باجرے دی قسم دا ایک کھیت۔
وڈارن: اُڑان لئی۔
گَیہلا: بے سمجھ۔
66
چل چل گئیاں پنکھیاں جنھیں وسائے تِل
سر بھریا بھی چلسی تھکے کنول اِکل

اوکھے لفظاں دے معنے

پنکھیاں : پرندے۔ پنچھی۔
وسائے: آباد کیے۔
تل: تالاب۔
سر : سرودر۔ جھیل۔تالاب۔
چلسی: چلاجائے گا۔ سوکھ جائے گا۔
تھکے (ٹہکے): شان دِکھائے گا۔
کنول: کنول کا پھول۔
اِکل: اکیلا۔
67
اِٹ سرہانے ، بھوئیں سَو نَ ، کیڑا لڑیو ماس
کیتڑیاں جُگ واپرے اِکتُ پیاں پاس

اوکھے لفظاں دے معنے

بھوئیں: زمین تے۔
ماس: جسم۔ گوشت۔
کیتڑیاں : کئی ایک ۔
جُگ: زمانے۔
واپرے: گُزر جائے۔
اِکت: ایک۔
پاس: پہلو۔
68
بَھنی گھڑی سَوَنّوِی ، ٹُٹّی ناگر لجّ
عِزرائیل فریشتہ کَیں گھر نا ٹھی اَجّ

اوکھے لفظاں دے معنے

بَھنّی: توڑی ۔ ٹوٹی ہوئی۔
گھڑی: چھوٹا گھڑا۔ صُراحی۔
سَوَ نّوِی: چنگے رنگ وچ۔
عِزرائیل فریشتہ: ملک الموت۔ موت دا فرشتہ۔
کیں گھر: کیس گھر۔
ناٹھی: مہمان۔
ناگر: خوبصورت ۔ نازک
لجّ: رسیّ۔
69
بَھنی گھڑی سَوَنّوِی ، ٹُٹّی ناگر لجّ
جو سجّن بھوئیں بھار تھے سَے کیوں آویں اَجّ

اوکھے لفظاں دے معنے

ناگر: خوبصورت ۔ نازک
لجّ: رسیّ۔کونئیں دا پانی کڈّن والی:
بھوئیں: زمین۔ دھرتی۔
بھار: بوجھ۔
70
بے نماز ا کُتّیا! ایہہ نہ بھلّی رِیت
کبھی چل نہ آئیا پَنجے وقت مسِیت

اوکھے لفظاں دے معنے

بَھلی: چنگی۔
ریت: رسم۔ طریقہ۔
پنجے وقت: پنج ویلے۔
71
اُٹھ فریدا وضو ساز، صُبح نماز گُزار
جو سِر سائیں نہ نوِے سو سِر کپ اُتار

اوکھے لفظاں دے معنے

وضو ساز: وضوکر۔
سائیں: مالک۔ خدا۔
نہ نوِے: جُھکے نہیں۔
کپ: کَٹ کے۔
72
جو سِر سائیں نہ نوِیں سو سِر کیجے کاءِ
کُنّے ہیٹھ جلائیے بالن سندے تھاںءِ

اوکھے لفظاں دے معنے

سائیں : خدا ۔
نہ نوِیں :جُھکے نہیں۔
کیجے کا ئِ: کیا کیا جائے۔
کُنے: ہانڈی۔

بالن: ایندھن۔
سندے تھاں : کی بجائے۔
73
کِتھے تیڈے ماپے آ جنھی تُوں جنیوں
تَیں پاسوں اوہ لد گئے اَجے نہ پتینوں

اوکھے لفظاں دے معنے

تیڈے: تیرے۔
ماپے آ: ماں باپ ہین۔
جنھی: جنھاں نے۔
جنیوں : پیدا کیتا ۔ جنم دیتا۔
تیں پاسوں: تیرے کول۔
لد گئے: چلے گئے۔ مر گئے۔
پتینوں : تسلی ہوئی۔
74
فریدا من میدان کر ٹوئے ٹِبے لاہ
اَگے مُول نہ آوَسی دوزخ سندی بھاہ

اوکھے لفظاں دے معنے

من : دل
میدان کر: ہموار کر۔
ٹوئے ٹبّے: اونچی نیچی زمین ۔ گڑھے اور اُبھری ہوئی زمین۔
مُول: بالکل ۔ ہرگز۔
سندی: کی۔
بھاہ: آگ


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels