Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> بابا فرید >> بیت بابا فرید 14-23

بیت بابا فرید 14-23

بابا فرید
February 1st, 2008
5 / 5 (2 Votes)

14
جن لوئن جگ موہیا سے لوئن میں ڈِٹھ
کجّل ریکھ نہ سہندیاں سے پنکھی سوئے بہٹھ

اوکھے لفظاں دے معنے

لوئن : آکھاں۔
جگ موہیا: دُنیا نوں فریفتہ کیتا۔
سے: وہ
لوئن: آکھاں۔
مَیں ڈِٹھ: میں نے ویکھی ہین۔
کجّل: کاجل ۔ سُرمہ۔
کجّل ریکھ: سُرمے دا خط۔ تحریر سُرمہ۔
سہندیاں: برداشت کرنا۔
پنکھی: پنچھی۔ پرندے۔
سُوئے: بچّے دِیے۔
بہٹھ: بیٹھ کے۔
15
کوکیندیاں ، چا کیندیاں، متِیں دیندیاں نِت
جو شیطان ونجایا سے کِت پھیرے چِت

اوکھے لفظاں دے معنے

کوُ کیندیاں: شور کردے ہویاں۔ کُوک ماردے ہویاں۔
چاکیندیاں: چلاندے ہویاں۔
متیں دیندیاں: نصیحت کردے ہویاں۔
نِت: ہمیشہ۔
جو شیطان ونجایا: جیویں شیطان نے ورگلایا ہوے۔
سَے: وہ۔
کِت : کیتھے ۔ کیویں۔
پھیرے چت: دل نوں سیدھے راہ تے لانا۔
16
تھیو پواہی دَبھ ، جے سائیں لوڑیں سبھ
اِک چِھجّے ، بیا لتاڑ ئیے، تاں سائیں دے در واڑئیے

اوکھے لفظاں دے معنے

تِھیو: ہو جا۔
پواہی: راستے ۔ پگ۔ پئیے۔
دَبھ: دُوب۔ اِک گھاس جیہڑی نوکیلی ہوندی اے۔
لوڑیں: تلاش کریں۔ ڈھونڈیں۔
سِبھ: سب
چِھجّے: تارتار کرکے ۔ ٹکڑے کرکے۔
بیا: دوجا۔
لتاڑیے: پیراں وچ مسلیہ۔
دَر واڑیا: دروازے وچ وڑنا۔
17
فریدا خاک نہ نندیے! خاکو جیڈ نہ کوءِ
جِیوَ ندیاں پِیراں تلے، مویاں اُپّر ہو ءِ

اوکھے لفظاں دے معنے

خاک : مٹی۔ دھرتی۔
نہ نندیے: بُرا نہ کہیے۔
خاکو: خاک ورگا۔
جیڈ : جیسا۔
نہ کوءِ: کوئی نہیں۔
جیوندیاں: حیاتی وچ۔
مویاں: مرن توں بعد۔
18
جاں لوبھ تاں نینہہ کیا؟ لُب تاں کوُڑا نینہہ
کِچر جَھٹ لنگھائیے چھپّر ٹُٹّے مینہہ

اوکھے لفظاں دے معنے

جاں: جہاں ۔ جد
لُب: لالچ ۔ حِرص۔
نینہہ: محبت۔ پیار۔
کچر: کدوں تِکر۔
جھٹ: ویلا۔ اوکھا ویلا۔
لنگھائیے: گُزار دیں۔
چھپر ٹُٹّے: ٹوٹا ہوا چھپّر۔
19
جنگل جنگل کیا بَھویں؟ وَن کنڈا موڑیں
وسّی رب ہیا لیے، جنگل کیا ڈُھونڈیں

اوکھے لفظاں دے معنے

بھَویں: پھِردا اے۔ گھومدا اے۔
وَن: بَن۔ جنگل۔ اک درخت داناں۔
کنڈا:کانٹا۔
موڑیں: توڑ دیں۔ دُہری کردیں۔
وسّی : آباد ہے۔
ہیا: دل
20
ایہنِیں نِکّی جنگھِیئیں تھل ڈونگر بھویوم
اَج فریدے کوجڑا سَے کوہاں تھیویوم

اوکھے لفظاں دے معنے

ایہنِیں: انہی۔
جنگھِیئیں: لتاں نال۔
تھل : ریگستان۔
ڈونگر: پہاڑ۔
بھویوم: وچ پھردا رہیا واں۔
کوجڑا ۔ مٹی دا کوزہ۔ لوٹا۔
سے کوہاں: سوکوس۔
تھیویوم: ہو گیا واں۔
21
فریدا راتِیں وڈّیاں دُھکھ دُھکھ اُٹھن پاس
دِھرگ تِنھاں دا جِیوَیا ، جِنھاں وِڈانی آس

اوکھے لفظاں دے معنے

وڈیاں: طویل۔ لمی۔
دُھکھ: سُلگنا۔ جلنا۔
پاس : پہلُو۔ پاسا۔
دھرگ: افسوس۔
جِیوَیا: حیاتی۔
وڈانی: پرائی۔ بیگانی۔
آس: اُمید۔
22
جے میں ہوندا واریا مِتاں آیڑیاں
ہئیڑا جلے مجِیٹھ جِیؤں اُپر انگاراں

اوکھے لفظاں دے معنے

جے میں : مُڑ مین۔
ہوندا: جو کُجھ حاضِر اے۔
واریا: چُھپیا ہویا۔
مِتّاں: دوست ۔ سجن۔
آیڑیاں: آئے ہوئے۔
ہئیڑا: دل۔
مجیٹھ: اِک لا ل لکڑی جیس توں رنگ بندا اے۔
اُپرانگاراں: دہکدے ہوئے کوئلاں تے۔
23
لوڑے داکھ بجوڑیاں ، کِکّر بیجے جٹ
ہنڈھے اُنّ کتائے دا ، پَیدھا لوڑے پٹ

اوکھے لفظاں دے معنے

لوڑے :تلاش کریں۔ ڈھونڈیں۔
داکھ: انگور
بجوڑیاں: باجوڑ دے علاقے توں۔
کِکّر: کیکر دا درخت۔
ہنڈے: پھردا اے۔
اُنّ: اُون۔
کتائے دا: کتاتا پھردا۔
پیدھا: پہندا۔
لوڑے: چاہندا اے۔
پٹ : ریشم


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels