Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> بابا فرید >> بیت بابا فرید 4-13

بیت بابا فرید 4-13

بابا فرید
February 1st, 2008
4.5 / 5 (5 Votes)

4
جے جاناں تِل تھورڑے سنبھل بُک بھریں
جے جاناں شَوہ ننڈھڑا تھوڑا مان کریں

اوکھے لفظاں دے معنے

جے جاناں: اگر میں جاندا
تِل : ایک بیج جیہدے توں تیل کھڈیا جاندا اے پر ایس دے معنی حیاتی دے ساہ وی لئے جاندے ہین۔
تھورڑے: بہت ہی تھوڑے
سنبھل : سوچ سمجھ کے۔
بُک: روک۔ دواں ہتھاں دے ملاپ توں جوپیالے دی شکل بن جاندی اے۔
شَوہ: خصم۔ مالک
ننڈھڑا: نوجوان۔ بے پروا
5
جے جاناں لڑ چِھجّنا پیڈھی پائیں گنڈھ
تَیں جے وڈ میں نہ کو، سبھ جگ دِٹّھا ہنڈھ

اوکھے لفظاں دے معنے

جے: اگر۔
جاناں: جاننا۔
لڑ: دامن ۔ پَلّو۔
چِھجّنا: پراناکپڑا جیس وچ بہتے سوُراخ ہون۔
پِیڈھی: مضبوط تر۔ پکّی۔
تیںجے: تیرے ورگا۔
وڈ میں نہ کو: میرے لئی کوئی بُرا نہیں۔
جگ: دُنیا۔
ڈِٹّھا: ویکھیا۔
ہنڈھ: برت کے ۔ تجربہ کرکے۔
6
جے تُوں عقل لطیف ، کالے لِکھ نہ لیکھ
آپنے گریوان میں سِر نِیواں کر دیکھ

اوکھے لفظاں دے معنے

عقل لطیف: بریک جئی عقل۔
کالے لِکھ: سیاہ اعمال نامے۔
لیکھ: لکھ۔ قِسمت۔
آپنے: اپنے۔
گریوان: گریبان۔
نِیواں کر : نیواں کرکے۔

7

جو تَیں مارن مُکیّاں تنھاں نہ مارِیں گھُمّ
آپنے گھر جائیے پَیر تنھاں دے چُم

اوکھے لفظاں دے معنے

تَیں: تجھ نوں۔
مُکیّاں: مُکّے۔ گھُسونے۔
تِنھاں: انہاں نوں۔
گُھّم: پرت لے۔ لوٹ کے
چُّم: چُوم کے۔ بوسہ دے کے۔

8

جاں تُو کھٹن ویل تاں تُوں رتّا دُنی سیوں
مرگ سوائی نِینہہ، جاں بھریا تں لدیا

اوکھے لفظاں دے معنے

جاں: جد
تُو: تیرا۔
کھٹّن ویل: کمان دا ویلا۔
تاں :تب
رتّا: مصروُف رہیا۔
دُنی: دُنیا۔
سیو : کے نال۔
مرگ: موت
سوائی: پُختہ ہوگئی۔
نِینہہ: محبت ۔ بنیاد۔
بھریا: بھر گیا۔
لدیا: لد گیا۔ چلا گیا۔

9
دیکھ فریدا جو تھِیا : داڑھی ہوئی بھُور
اَگّا نیڑے آئیا پِچّھا رہیا دُور

اوکھے لفظاں دے معنے

جوتھیا: جو ہویا اے
بھُور: سفید
اَگّا: اگلا قدم۔ بڑھاپا۔ موت
نیڑے: قریب۔ نزدیک
پِچھّا : گزرا ہُوا جوانی
10
دیکھ فریدا جو تھِیا: سکّر ہوئی وِس
سائیں باجھوں آپنے ویدن کہیئے کِس

اوکھے لفظاں دے معنے

جوتھیا: جو ہُویا۔
سکر: چینی۔ شکّر
وِس : زہر
سائیں: خدا۔ مالک ۔ محبوب۔
باجھ۔ بغیر ۔ علاوہ۔
ویدن: دُکھ درد۔
11
اَکِھّیں دیکھ پتیِنِیاں ، سُن سُن رِینے کّن
ساکھ پکندی آئی آ، ہور کریندی وَنّ

اوکھے لفظاں دے معنے

اکھّیں: آنکھیں۔
پتینیاں: کمزور ہو گئیں۔
رِینے: بہرے ہوگئے۔
ساکھ : فصل۔ کھیتی۔
پکندی: پک گئی۔
ہور: اور۔
کریندی: کردی اے۔
وَنّ : رنگ۔
12
کالیں جنھیں نہ روایا دَھولِیں راوے کو
کرسائیں سِیؤں پرِہڑی رنگ نویلا ہو

اوکھے لفظاں دے
کالیں: سیاہ والاں دا ویلا۔ جوانی دا ویلا۔
جنھیں: جیس نے
راویا: راضی کیتا۔ رجھایا۔
دُھولَیں : جد وال سفید ہوگئے یعنی بڑھاپا آگیا۔
سائیں : مالک ۔ محبُوب۔
پرہڑی: محبت۔ پیار ۔ پریت۔
نویلا: نواں۔
13
کالِیں دَھولِیں صاحب سدا ہے جے کو چِت کرے
اپنا لایا پریم نہ لگّی جے پوچے سبھ کو ءِ
ایہ پِرم پیالہ کھسم کا جَیں بھاوے تَیں دے
(ازگُرو امرداس)

اوکھے لفظاں دے معنے

کالِیں : جوانی۔
دُھولِیں : بڑھاپے۔
صاحب سدا ہے: اللہ ہمیشہ مہربان اے۔
جے کو: مُڑ کوئی۔
چت کرے: دھیان کرے۔ سوچے۔
پریم : محبت ۔ پیار۔
لوچے: چاہے۔
کھسم: مالک ۔ صاحب ۔ خدا
جَیں : جیس نوں۔
بھاوے: پسند کرے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels