Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

امیر وزیر غلام کروڑاں لشکر فوج خرانے
بیرک سرخ نشان ہزاراں شام گھٹاں سمیانے
کھاون خیر فقیر مسافر صاحب ہوش دیوانے
ہاشم ایس غمیں وچ عاجز ہووس اولاد نہ خانے

خواہش ایس اولاد ہمیشہ پیر فقیر مناوے
دے لباس پوشاک برہنیاں بھکھیاں طعام کھلاوے
ویکھ اجاڑ مسافر کارن نال سرائے لواوے
ہاشم کرس جہان دعائیں آ س سائیں ور لیاوے

در یتیم صدف وچ آہا سنے پکار دلاں دی
پھری بہار شگوفے والی ہو امید گلاں دی
چھج معقول ہوئی ابریشم آہی سخت سولاں دی
ہاشم ویکھ ہوئے گل لالہ ہوگ بہار پھلاں دی

سسی جنم لیا شب قدرے مثل ہلال درخشاں
ویکھ بے آب ہوون نگ موتی مانک لعل بدخشاں
عقل خیال قیاسوں باہر نظر کرے ول نقشاں
ہاشم آکھ تعریف حسن دی شمس مثال زر افشاں

جمل جہان ہوئے خوشحالی پھریا نیک زمانہ
نوبت ناچ شمار نہ کوئی دھربت ناں ترانہ
کر سر وار سٹن زر سوناں ہور جواہر خانہ
ہاشم خیر کیتا فقراواں ملک عماش خزانہ



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels