Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنون

سسی پنون

ہاشم شاہ
January 18th, 2008
5 / 5 (1 Votes)

اہل نجوم سدے اس ویلے حفظ توریت زبانی
صاحب یمن کرامت والے خبر دین آسمانی
ویکھن عمر نصیب دا کھوھل کلام ربانی
ہاشم بھار سسی سر ڈاڈھا ہوس شتاب آسانی

ویکھ نجوم کتاب نجومی ہو رہے چپ سارے
ظالم حکم سہم سلطاناں کون کوئی دم مارے
بادشہاں سچ آکھن اوکھا ہوئے لاچار بیچارے
ہاشم بخت بخیل سسی دے کون جتے کون ہارے

شاہ دوبار کیہا چپ کہی کہو جواب کیہ آوے
عرض کیتی دربار اساتھں سخن کلام نہ آوے
راست زبان نہ آکھن جوگی جھوٹھ ایماں جلاوے
ہاشم کرن لوکاؤ بتیرا قسمت کون مٹاوے

اوڑک خوف اتار نجومی بات کہی من بھانی
عاشق ہوگ کمال سسی جد ہوگ جوان سیانی
مست بہہوش تھلاں وچ مرسی درد فراق رنجانی
ہاشم ہوگ کمال اجہی ریہگ جہان کہانی


سن تقریر ہو یا بریاں ماں پیؤ خویش قبیلا
ۤآتش چمک اٹھی ہر دل نوںجیوں کر تیل فتیلا
خوشی خراب ہوئی ہر دل دی زرد ہویا رنگ پیلا
ہاشم بیٹھ دانا سیانے ہور وچارن حیلا



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels