Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

بے اعتبار ہویا ہتھ دھوتے باپ امید مرادوں
ظالم روپ ہویا دل اس دا سخت سیاہ جلادوں
ڈوبگ ننگ ناموس کیہ حاصل ایس پلیت اولادوں
ہاشم خرچ کرو فرمایا فارغ ہو فسادوں


کہیا وزیر کیہ دوس سسی نوں لکھیا لیکھ لکھاری
بے تقصیر کوہاون کنیا نشت ہوئے کل ساری
اس تھیں پاپ نہ پرے پریرے قوم ہووے ہتیاری
ہاشم پا صندوق رڑاؤ مول چکے خر خواری


فرش زمیں پر ہر اک تائیں ماںپیؤ بہت پیارا
سو پھر آپ رڑوان جس نوں ویکھ گناہ ناکارہ
دھن اوہ صاحب سر جنہاراعیب چھپاون ہارا
ہاشم جے اوہ کرے عدالت کون کرے نتارا

واہ کلام نصیب سسی دے نام لیاں د ل ڈر دا
تختوں چا سٹے سلطاناں خیر پوے در در دا
بیل غریب نقابل جیہا چا زمیں سر دھر دا
ہاشم جا نہ بولن والی جو چاہے سو کردا

جس استاد صندوق سسی داگھڑ یا نام قہر دے
افلاطوں ارسطو جیہے ہون شاگرد ہنر دے
زینت زیب سکھے سبھ اوتھوں دلبر چین مصر دے
ہاشم ویکھ آرائش کردا شابش عقل فکر دے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels