Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

چندن شاخ منگا کداہوں بیٹھ کاریگر گھڑیا
بوٹا ویل سنہری کر کے لال جواہریں جڑیا
پا زنجیر چوپھیر پنجر نوں بیٹھ بیدرداں کڑیا
ہاشم ویکھ تولد ہندی آن دکھاں لڑ پھڑیا

کر تدبیر کیتے ترے چھاندے خرچ دتا کر نالے
تسدی ملک ہویا اک چھاندا شیر پلاون والے
دوجا داج دھیج سسی دا ہور پڑاون والے
ہاشم لکھ تعویز حقیقت صرف سسی گل ڈالے

پا صندوق روڑایا سسی نوح طوفان وگیندا
باشک نانگ نہ ہاٹھ لیاوے دھول پناہ منگیندا
پار ارار بلائیں بھرےا ڈانوں ڈول رہیندا
ہاشم ویکھ نصیب سسی دا کیہ کجھ ہور کریندا

تریا توڑ زنجیر صبر دا چائیاں رزق مہاراں
گردش فلک ہوئی سرگرداں باھجھ ملاح کہاراں
سورج تےز ہویا جل خونی پہن لساں چمکاراں
ہاشم ویکھ سسی وچ گھیری دشمن لاکھ ہزاراں

آدم خور جناور جل دے راکس روپ سیاہیں
مگر مچھ کمیں جلہوڑے ناگ سنسار بلائیں
تندوے قہر زنبور بولہناں لاون زور تداہیں
ہاشم موت ہوس وچ تھلدے مارس کون اتھائیں



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels