Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

گھمن گھیر چوپھریوں گھیرن ٹھاٹھاں لہن کلاوے
لہراں زور کرن ہر طرفوں اک آوے اک جاوے
صورت سحر صندوق جڑاؤ بجلی چمک ڈراوے
ہاشم چاہ جویں کنعانی ویکھ صندوق چھپاوے

شہروں دور کوپتن دھوبا دھوندا ندی کنارے
اتا نام مثال فر شتہ بزرگ نیک ستارے
ڈٹھا اوس صندوق دراڈا دل وچ خوف چتارے
ہاشم گیؤ سو عقل دماغوں ویکھ صندوق ستارے

کرے خیال جواہر خانہ پیاہے آات باہی
یا کوئی آفت رڑھی پہاڑوں یا اسرار آلہی
بخت بیدار ہوئے تاں دتا آن نصیب گواہی
ہاشم جا پیا جل ڈوھنگے ہو دل شیر سپاہی

اتے خوب کیتی جند بازی لیا صندوق کنارے
شاد ہویا دل ذات خداوند نعمت شکر گزارے
دریا شہر مبارک دیون رل مل یار پیارے
ہاشم مال لیا ہور دوجا ہویا صواب بیچارے

کھلا آن نصیب اَتے دا کرم بھلے دن آئے
جڑت جڑا محلیں کیتے شوکت شان وٹائے
خدمتگار غلام سسی دے نوکر چا رکھوائے
ہاشم باغ سکے رب چاہا پل وچ چا سہائے



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels