Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008
5 / 5 (1 Votes)

سسی ہوئی جوان سیانی سورج جوت سوائی
صاحب علم حیا حلیمی عقل ہنر چترائی
ماں پیؤ ویکھ کاریگر کوئی چاہن کیتی کڑمائی
ہاشم سنے سسی مصلاحت غیرت ہوس سوائی

بن بن پنچ پنچایت دھوبی پاس اتے دے آون
کر تمثیل وہار جگت دا بات ہمیش چلاون
دھیان سوہن نہیں گھر ماپیاں جی لکھ راج کماون
ہاشم وانگ بجھاوت دھوبی بات سسی ول لیاون


اک دن کول سسی دے ماں پیؤ بیٹھ کتے گل چھیڑے
آکھ بچہ توں بالغ ہوئی واگ تیری ہتھ تیرے
دھوبی ذات اچے گھر آئیوں پھر پھر جاہن بتیرے
ہاشم کون تیرے من آوے آکھ سنا سویرے

سسی مول جواب نہ کیتا نال پیؤ شرماندی
دل وچ سوز ہوئی پر آنسو لیکھ لکھے کرماندی
ڈھونڈن ساک جھڑوئی جیندا میں دھی بادشہاندی
ہاشم پھر نہ نام لیؤنے ویکھ سسی درماندی

شرکت نال شر
یک اتے دے مرد بخیل فسادی
پاس بھنبور شہر دے والی جا ہوئے فریادی
ہوئی جوان اتے گھر بہٹی صورت شکل شہزادی
ہاشم کہیا پکار بخیلاں لائق اوہ تساڈی



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels