Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

شہر اتار بلوچ سسی نے خدمت خوب کرائی
حال حقیقت ہوت پنوں دی کول بہا پوچھائی
خاطر لوبھ کہیو نے ساڈا ہوت پنوں ہے بھائی
ہاشم ویکھ بلوچاں دتیا شامت آن وکھائی

سسی سمجھ بھرا پنوں دے قید بلوچ کرائے
ہون خلاص محال ہویو نے ہوت پنوں بن آئے
بول وگار پچھے پچھتاون شامت آن پھسائے
ہاشم باھجھ وکیلوں کامل پھسیاں کون چھڈائے

دو سردار آہے کروانی ہفت ہزار شتر دے
بنن نام بنبیا دونویں بیٹھ اندیشہ کردے
پنوں باھجھ نہیں چھٹکارا حوض دئیے بھر زر دے
ہاشم زور کیہا پر ملکیں مان ہووے وچ گھر دے

اڈن کھٹولا نام کرہی دا نال کیتا ہمراہی
بنن ہو اسوار سدھایا کیچ بنے بن راہی
جیؤں جیؤں بہت ہوے وچ منزل تیؤں تیؤں چال سوائی
عاشق اوہ پنوں پر آھا ہاشم شوق الہی

کیچم شہر گئے کر دہائی ہوت علی دربارے
روون کوک سناون حالت جا بلوچ بیچارے
شہر بھنبور بلوچ سسی نے قید کیتے ول سارے
ہاشم باھجھ پنوں نہیں چھٹدے قید رہن جگ چارے



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels