Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008
5 / 5 (1 Votes)

ہوت علی سن حال حقیقت پچھیا بیٹھ دیواناں
نہ کجھ پیش حکومت جاندی نہ کجھ کار خزاناں
بھیجن بہت محال پنوں نوں ملک بدیس بگاناں
ہاشم کون شہزادیاں تورے آکھ پچھے کرواناں

بہت بیزار ہوئی گل سن کے ہوت پنوں دی مائی
کون کوئی تن لا بجھاوے آتش جا پرائی
کون بلوچ پنوں دے سر توں وار سٹاں بادشاہی
ہاشم باھجھ پنوں وچ دنیا ہور مراد نہ کائی

صاف جواب لیا کرواناں پھیر پنوں ول آئے
صورت نقش نگار سسی دی کر تعریف سنائے
گھایل عشق تساڈے ہر دم نیندر چشم نہ لائے
ہاشم خاطر ملن تساڈے قید بلوچ کرائے

سن تقدیر ہویا دل بریاں رمکی وا پرم دی
کون کوئی دل رہس ٹکانے دہشت تیغ الم دی
شہر بھنبور پنوں دل وسیا وسری سرت کیچم دی
ہاشم وا لگے اٹھ چمکے آتش جرم کرم دی

شتر سوار پنوں اٹھ ٹریا پریم جڑی سرپائی
رات غبار چرا پنوں نوں چور چلے کر دھائی
پلک آرام نہ وانگ بے صبراں رزق مہار اٹھائی
ہاشم ویکھ نصیب بلوچاں بھا پئی بریائی



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels