Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

راہ دنیں پھڑ راہ لیؤ نیں پلک نہ تھیون ماندے
سخت مزاج بلوچ ہمیشہ پھرن نصیب جنہاندے
یوسف مصر بنے کروانی ویکھ دوبار لجاندے
ہاشم بادشہاں دکھ پاون سخت زنجیر دلاں دے

شہر بھنبور پیؤ نیں نظریں آہا وقت سویرا
نال پیار کیتو نے کرہاں چست چالاک ودھیرا
نال حقارت باغ سسی دے جا کیتو نے ڈیرا
ہاشم چھوڑ دتا وچ شتراں چرن عراق چو پھیرا

قہقہہ وانگ طلسمیں آہیاں باغ چوپھیر دیواراں
فرش زمین زمرد آہا ثابت نقش نگاراں
نہراں حوض پھوہارے برسن ہر ہر چونک بہاراں
ہاشم شورجناور کر دے مور چکور ہزاراں

گھائل عشق کھڑے گل لالہ نال لہو مکھ دھوتے
سیب انگور انار بھرے رس چنج نہ لاون طوطے
قمری کوک کرے فریاداں سرو آزاد کھلوتے
ہاشم ویکھ بہار چمن دی روح آوے وچ غوطے

کجھ بلخی بغدادی اشتر کجھ بختی کنعانی
دوزخ پیٹ تے گردن چوڑی عزرائیل نشانی
چارن باغ تڑاون شاخاں کرن بلوچ حیوانی
ہاشم نال گمان پنوں دے چیہ چٹرھے کروانی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels