Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008


جا کھڑے دربار سسی دے شور کیتا باغباناں
باغ ویران ہویا کل سارا چار لیا کرواناں
خوف خدا نہ مرنوں ڈردے کھاون مال بیگاناں
ہاشم شہر بھنبور بیراجا نیاؤں نہیں سلطاناں

سن فریادسسی وچ دل دے عقل خیال وچارے
کون کمینے ایڈ دلیری کرن بلوچ نکارے
شاید ہوت پنوں وچ ہوسی تاں اوہ کرن پسارے
ہاشم چاہن ایڈ فضولی کون غریب وچارے

سسی نال سیاں کر مصلحت باغ بنے چل آئی
ہر ہر دے ہتھ شاخ چناری تیغ مثال صفائی
عمر اوائل مان حسن دا جا پیاں کر دہائی
ہاشم مار پئی کرواناں دیہن بلوچ دہائی


رہے ہمیش تیار چمن وچ چھیج سسی دی آہی
کنچن پلنگھ رویل چنبیلی مالن گندھ وچھائی
تسدے وچ پنوں نوں نیندر آہا چھیج سکھائی
ہاشم آس مراد سسی دی صدق پچھے ور آئی

سسی آن ڈٹھا وچ نیندر ہوت بیہوش جو خوابوں
سورج وانگ شعا حسن دی باہر پوس نقابوں
جے لکھ پاصندوق چھپائیے آوگ مشک گلابوں
ہاشم حسن پریت نہ چھپ دی تارک ہون حجابوں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels