Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008


سن فریاد بلوچاں والی تاں سدھ ہوت سنبھالی
ویکھ حران ہویا شہزادہ فوج محبوباں والی
روشن شمع جمال سسی دا چمک پوے ہر والی
ہاشم داغ پیا گل لالہ ویکھ سسی لب لالی

ویکھ دیدار ہوئے تن دونویں عاشق درد انجانے
ڈٹھیاں باھجھ نہ واچن مولے نین اداس انجانے
سکدیاں یار ملے جس تائیں قیمت قدر پچھانے
ہاشم نیؤں اصل کماون ہور گوار کیہ جانے

بھار لدا چلے کروانی کیچم دا سویرے
آکھ رہے چل ہوت پنوں نوں جوڑن دست بیترے
ہولاچار چلے کروانی تور دتو نے ڈیرے
ہاشم عشق جنہاں دل وسیا کوئی تنہا دل پھیرے


کیچم آ کہیا کرواناں بات جویں کجھ ہوئی
ہوت اسیر سسی دل کیتا زلف کنوں گھت پھاہی
آون جان نہ یاد پنوں نوں عشق دتی بد راہی
ہاشم حال سنا بلوچاں تیغ پیؤ تن واہی

ہوت علی دن رون وہاوے ہوش آرام نہ تس نوں
موت بھلی مرجان چنگیرا آن بنے دکھ جس نوں
کیچم نار جہنم کولوں تیز ہویا تپ تس نوں
ہاشم وانگ یعقوب پیغمبر حال سناوے کس نوں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels