Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008


کیچم لوگ فراق پنوں دے رو رو ہون دیوانے
یوسف ویچ آئے کروانی ہراک ورد زبانے
پٹ پٹ وال سٹن وچ گلیاں مجلس سوز زنانے
ہاشم پھیر پنوں رب لیاوے صحیح سلامت خانے

شتر سوار بھرا پنوں دے پھیر پنوں ول دہائے
تیز بلا شراب لوکائی نال صراحی لیائے
آوگ پیش نہ جانن ہرگز اوڑک دھوہ کمائے
ہاشم آک کہنیں سکھ پایا بے انصاف دکھانے

شہر بھنبور پوچھا پنوں نوں نال گھنے رنگ رس دے
دل وچ کھوٹ زباں وچ شیریں آن ملے گل ہس دے
وطنی لوک بتاون محرم ہرگز بھیت نہ دس دے
ہاشم کرن لوکا نہ ہیٹری مرگ بھلا کر پھس دے

سن کیچم کروان سسی توں چڑھیا چند ودھیرے
تر تر آن ملن مگراہاں بھاگ بھلے دن میرے
اک دن چا ہوئے وچ خدمت نفر غلام ودھیرے
ہاشم پھیرنہ سمجھن پاپی پاپ کرن دے ہیرے

رات پئی بہہ پاس پنوں دے جیبھ مٹھی دل کالے
ہوت پنوں نوں موت سسی دی بھر بھر دین پیالے
اوہ کیہہ درد دلاں دا جانن اوٹھ چوگاون والے
ہاشم دوس نہیں کرواناں عشق کئی گھر گالے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels