Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008
1 / 5 (1 Votes)

آ مڑ جا نہیں تدھ ول پریت پنوں دی ایسی
مست بیہوش نہ رہسی مولے انت سمیں سدھ لیسی
آپے ویکھ لہاں ول تیرے جاگ لئی مڑ پیسی
ہاشم باھجھ دونویں تن ملیاں چاٹ لگی من کیسی

مائے سخت زنجیر بلوچاں ہوت پنوں نوں پائے
کد اوہ مڑن پچھاھاں دیندے ایڈ کوکرمیں آئے
شالا رہن خراب ہمیشہ دکھیے آن دکھائے
ہاشم کیڈک بات سسی نوں جے رب پھیر ملائے

دل دی بات سمجھ سن دھیا کر کجھ ہوش ٹکانے
زورا کرن محال بدیسیں جانن بال ایانے
باھجھ پیار چرا کھڑے کن آدم روپ سیانے
ہاشم سمجھ وچار بلوچاں کیہ سر دوس دھگانے

ماؤ پھیر سسی نوں آکھے نہ چٹرھ چیہ دیوانی
کد ھن جا بلوچاں ملسیں پیریں ترن بیگانی
سولی سار اگے تھل مارو ترس مریں بن پانی
ہاشم جان محال اکیلی برور کاہ بیابانی

سن مائے جے کر روں اینویں ہون میرے دلبر دے
دلبر بے پرواہ ہمیشہ کجھ پرواہ نہ کر دے
ویکھ چکور پتنگ وچارے مفت برے وچ مر دے
ہاشم موڑ رہے نہیں مڑ دی گھر دے لوک شہر دے



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels