Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

ترساں مول نہ ڈرساں راہوں جان تلی پر دھرساں
جب لگ ساس نراس نہ ہوون مرنوں مول نہ ڈرساں
جے رب کوک سسی دی سنسی جا ملاں پگ پھڑساں
ہاشم نہیں شہید ہویساں تھل مارو وچ مرساں

پھڑیا پندھ ہوئی نربندھن ٹٹ گئی ڈور پتنگوں
سسی اوہ نہ دھردی آہی بہوں پر پیر پلنگوں
دل توں خوف اتار سدھائی دانوں شیر پلنگوں
ہاشم دے دم جاس خلاصی ہووس قید فرنگوں

کر اسباب لیا شہزادی کیوں جو راہ خطر دا
پانی خوف خوراک کلیجہ راہبر درد ہجر دا
گل وچ وال اکھیں وچ سرخی سوز جنوں قہر دا
ہاشم ویکھ احوال کلیجہ گھایل شمس قمر دا

چمکی آن دوپہراں ویلے گرمی گرم بہارے
تب دی دا وگے اسمانے پنچھی مار اتارے
آتش دا دریا کھلوتا تھل مارو ول چارے
ہاشم پھیر پچھاہاں نہ مڑ دی لوں لوں ہوت پکارے

نازک پیر ملوک سسی دے میہندی نال سنگارے
عاشق ویکھ بہے اک واری جی تنہا پروارے
بالو ریت تپے وچ تڑکن بھنن جوں بھٹھیارے
ہاشم ویکھ یقین سسی دا پھیر نہیں دل ہارے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels