Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

دل وچ تپش تھلاں دی گرمی آن فرق رنجانی
پھڑپھڑ ڈاھڈ کرے پٹھ دل دا پر جد بہت وہانی
کچرک نین کرن دلبریاں چوہن لباں پر پانی
ہاشم یاد بھنبور پیو سو ٹٹ گیا مان نمانی

جے جاناں چھڈ جاہن ستی نوں ایک پلک نہ جھمکاں
گرد ہوئی وچ گرد تھلاں دی وانگ جواہر دمکاں
جل وانگوں رل دیہن دکھالی تھل مارو دیاں چمکاں
ہاشم کون سسی بن ویکھے ایس عشق دیاں دمکاں

تھل مارو تپ دوزخ ہویا آتش سوز ہجر دی
مڑن محال وکھالن اوکھی صورت کیچ شہر دی
جب لگ تاہنگ نراس نہیں جیوں یوسف تاہنگ مصر دی
ہاشم سخت بلوچ کمینے بے انصاف بے دردی

کجھ وگ دی، کجھ ڈھیندی بہندی، اٹھدی تے دم لیندی
جیوں کر ٹوٹ شرابوں آوے پھیر اُتے ول ویہندی
ڈھونڈے کھوج شتر دا کت ول ہرگز بھال نہ پیندی
ہاشم جگت نہ کیوں کر گانویں پریت سپورن جیندی

قدرت نال سسی ہتھ آیا پھر دی کھوج شتر دا
جان نہیں اوہ کھوج سسی نوں ملیا جام خضر دا
یا اوہ نور نظر دا کہیئے دارو درد ہجر دا
ہاشم بلک سسی نوں ملیا قاصد کیچ شہر دا



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels