Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

دارو درد ہجر دا کرکے کھوج لیے گل لائے
پھر بھی ڈردی لا نہ سکدی مت ایہ بھی مٹ جائے
پھر کر دیکھ رہی ہور دور جا کھوج نہ نظری پائے
ہاشم پھیر وساہ نہ کردی وانگ پنوں چھل جائے

کاکا نام ایالی آہا اوس گرو وچ چر دا!
ڈٹھا اوہ سسی نے دوروں تھل مارو وچ پھر دا
انچر چھوڑ نشانی کرکے پھڑیوس راہ تدر دا
ہاشم کوک کرے تس ول نوں پر دل جاوس گھر دا

صورت دیکھ ایالی ڈریا آفت مار نہ جاوے
آدم روپ زنانی صورت تھل مارو کد آوے
جیؤں جیؤں سنے آواز سسی دی چھپ چھپ جان بچاوے
پاشم ہون جنہاں دن الٹے سبھ الٹی بن جاوے

کوک پکار نراس سسی دے کھوج بنے مڑ دوڑی
دل نوں ساڑ تھلاں دی گرمی رواح انجانن تھوڑی
پچھا دے چلی شہزادی جان لگی پھر کوڑی
ہاشم کون فلک نوں تھگڑے جا چڑے دھر پوڑی

ترلے لاک جتن کر پوہتی کھوج توڑی ہٹھ کرکے
ٹٹ دی جان گئیاں چھٹ آہیں یاد بلوچاں کرکے
شالا رون قیامت توڑی نال سولاں دل بھر کے
ہاشم مرن بلوچ کموتیں لون طرح کھر کھر کے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels