Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

اوڑک وقت قہر دیاں کوکاں سن پتھر ڈھل جائے
جس اوس اوٹھ پنوں نوں کھڑیا مر دوزخ ول جائے
یا اس نیر لگے وچ برہوں وانگ سسی جل جائے
ہاشم موت پوے کرہاں نوں تخم زمینوں جائے

پھر مڑ سمجھ کرے لکھ توبہ بہت بے ادبی ہوئی
جس پر یار کرے اسواری تس دے جیڈ نہ کوئی
کجھ میں وانگ نکر من ناہیں کت ول ملے نہ ڈھوئی
ہاشم کونت ملے ہس جس نوں جان سہاگن سوئی

سر دھر کھوج اتے غش آیا موت سسی دی آئی
خوش رہو یار اساں تدھ کارن تھل وچ جان گوائی
گرمی ساڑ گئی دم اکسے تن تھوں جان سدھائی
ہاشم کر لکھ لکھ شکرانے عشق ولوں ر ہ آئی

کرکے دھیان ایالی دل وچ سوچ کرے اس گل دی
کد اسرار رہیا ڈگ اینویں پھیر نہیں مڑ ہل دی
مت کوئی نار راہی مر پیا راہ تھلاںنوں چل دی
ہاشم چل ویکھاں کیہ ڈرنا ہوون ہار نہ ٹل دی

ایجڑ چھوڑ سسی ول ٹریا دل ڈر دے پگ دھر دا
صورت ویکھ احوال سسی دا چڑھیوس جوش قہر دا
دل توں شوق گیا اٹھ سارا مال دھیاں پت گھر دا
ہاشم جان دلوں جگ فانی ویکھ فقیری پھڑدا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels