Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

تھل وچ گور سسی دی کرکے وانگ یتیم نمانے
گل کفنی سر پا برہنہ بیٹھا گور سرہانے
اک گل جان لئی جگ فانی ہور کلام نہ جانے
ہاشم خاص فقیری ایہو پر ایہ کون پچھانے

اڈیا روح سسی دے تن تھیں پھیر پنوں ول آیا
محمل مست بیہوش پنوں نوں سفنے جا جگایا
لے ہن یار اساں سنگ تیرے قول قرار نبھایا
ہاشم رہی سسی وچ تھل دے میں رخصت لے آیا

اٹکی نیند پنوں اٹھ بیٹھا جلدی وچ کچاوے
نہ اوہ شہر بھنبور پیارا نہ اوہ محل سہاوے
چانک چمک لگی شہزادے کجھ سر پیر نہ آوے
ہاشم جاگ لئی مڑ کہیا عاشق چین وہاوے

تس دم موڑ کری نوں تریا پھیر سسی ول مڑیا
آون مڑن بھرا نہ دیندے اوٹھ مہاراں پھڑیا
تیں بن باپ ہویا نابیناں کر کے سڑیا سڑیا
ہاشم ویکھ محل کیچم دا پھر مڑ آون چڑھیا

ہجرے اگ پنوں دی بھڑکے توڑ جواب سناوے
کہندی ماں پتا پت کہیڑا نال مویاں مر جاوے
جیہی نال اساڈے کیتی پیش تساڈے آوے
ہاشم باھجھ سسی نہیں دوجا جے رب پھیر ملاوے



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels