Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سسی پُنوں >> سسی پنوں

سسی پنوں

ہاشم شاہ
January 18th, 2008

کہند بلوچ خیال نہ چھڈ دے ول ول پھیر کھلوندے
نالے زور وکھالن اپناں نالے اٹھ گلے لگ روندے
جب لگ جان نہ مڑنے دیساں آؤ پنوں وس ہوندے
ہاشم عاشق باز عشق دے کھڑ کت ول جی ڈھوندے

بہت لاچار ہویا شہزادہ کچھے پکڑ کٹاری
جس دی چمک لگے جند جاوے سو جمروپ دو دہاری
چھوڑ مہار دتی تد بھائیاں ڈردیاں جان پیاری
ہاشم کون پھڑے جند بازاں جان عشق وچ ہاری

سٹی ہوٹ مہار سسی ول چھڈ بھائی دکھ دائی
ملساں جا اک وار جان تھوں جے رب گیل چھڈائی
جھب سٹ پیر سسی ول کرہاں وقت ایہو ہن بھائی
ہاشم ددھ ملیدا دیساں کرساں ٹہل سوائی

شابش اوس کریمی دی ترنی تیز دھرے پگ تیروں
پہتا جا سسی دی قبرے عاقل شتر وزیروں
تازی گور ڈٹھی شہزادے پچھیا اوس فقیروں
ہاشم کون بزرگ سمایا واقف کر ایس پیروں

آکھی اوس فقیر نمانے کھوھل حقیقت ساری
آہی نار پری دی صورت گرمی مار اتاری
جپدی نام پنوں دا آہی درد عشق دی ماری
ہاشم تھاں مکان نہ جاناں آہی کون بیچاری



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels